Група захопу затрымала вядомых віцебскіх трэш-стрымераў падчас эфіру
Віцебскіх лудаманаў «ўзялі» ў часе жывой трансляцыі. Працу спецназаўцаў зняла камера.
Як бачна з запісу, міліцыянты трапілі на анлайн. З калідора яны загадалі выходзіць стрымерам па адным. За кадрам свой трэш — чутно, як затрыманым загадалі паўзці.
Потым перад камерай з’явіліся спецназаўцы з групы захопу, яны агледзелі памяшканне.
Пасля таго як усе пайшлі, камера яшчэ некаторы час працавала.
Трэш-стрымеры «Джэнтльмены фартуны» — з Віцебска. Канал яшчэ ў 2019 годзе запусціў адзін з віцебскіх прадпрымальнікаў. Паступова вакол яго стварылася своеасаблівае кам'юніці.
Поспех іх канала будуецца на назіранні за чужым непрывабным жыццём. Большасць часу ўдзельнікі робяць стаўкі на спорт, часцей за ўсё няўдалыя.
За данаты яны робяць усялякую дзіч, а грошы ад гледачоў потым спускаюць на новыя стаўкі.
Адзін з каларытных персанажаў — Ёшкін-Матрошкін — праз стаўкі згубіў амаль усю маёмасць. Ён цяпер жыве ў пустой кватэры, але працягвае ставіць на спорт. Яго таксама затрымалі.
Каментары