У Маскве знайшлі павешаным былога кіраўніка тэрмінала аэрапорта «Шарамеццева», праз які вылятаў у свой апошні палёт Прыгожын
У Маскве знайшлі мёртвым былога кіраўніка тэрмінала дзелавой авіяцыі аэрапорта «Шарамеццева» Аляксея Каршэнку. Яго цела выявілі 6 чэрвеня на балконе кватэры. Паводле паведамленняў расійскіх СМІ, следства разглядае асноўнай версіяй самагубства. Незадоўга да смерці, прыкладна за тры тыдні, Каршэнку звольнілі з працы, піша The Moscow Times.
Аляксей Каршэнка быў адным са стваральнікаў VIP-тэрмінала Шарамеццева, які адкрыўся ў 2011 годзе. Менавіта праз гэты тэрмінал у жніўні 2023 года прайшоў самалёт кіраўніка ПВК «Вагнер» Яўгена Прыгожына перад сваім апошнім рэйсам. Пасля вылету бізнэс-джэт разбіўся ў Цвярской вобласці, у выніку чаго загінулі ўсе, хто знаходзіўся на борце.
Паводле інфармацыі ад крыніц тэлеграм-канала «ВЧК-ОГПУ», Каршэнка мог валодаць інфармацыяй пра падрыхтоўку самалёта да вылету. Паводле гэтых паведамленняў, падчас тэхнічнага абслугоўвання былі выяўленыя няспраўнасці, у тым ліку праблема з адным з агрэгатаў, які пасля быў заменены. Таксама выказваюцца непацверджаныя здагадкі, што ў новым абсталяванні магло знаходзіцца выбуховае прыстасаванне.
Паводле паведамленняў, пасля катастрофы супрацоўнікі транспартнай бяспекі спрабавалі вывучыць матэрыялы праверкі самалёта, аднак не атрымалі доступу да відэазапісаў, дакументацыі і іншых матэрыялаў. Частку дакументаў, як сцвярджаецца, забралі супрацоўнікі расійскіх спецслужбаў.
У чэрвені 2023 года Яўген Прыгожын узначаліў узброены мяцеж. Пасля перамоў пры пасярэдніцтве Аляксандра Лукашэнкі ўдзельнікі мяцяжу спынілі рух на Маскву. Праз два месяцы самалёт Прыгожына пацярпеў крушэнне.
Па афіцыйнай версіі расійскіх уладаў, прычынай авіякатастрофы стаў выбух ручной гранаты на борце, аднак у праўдзівасці гэтай версіі ёсць вялікія сумневы.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары