Мужчына забраў сабаку ў краме, каб пра яго клапаціцца — і атрымаў крымінальную справу
Мінчанін убачыў у краме пародзістага шпіца, пакінутага нібыта без нагляду.
Мужчына вырашыў забраць шпіца, а пазней аднёс яго сваёй жонцы. Аднак высветлілася, што ў гэты ж час сапраўдная гаспадыня гадаванца ўжо звярнулася ў міліцыю, паведамляе «Міліцыя Мінска».
Паводле слоў жанчыны, шпіца яна пакінула ў тамбуры крамы, калі пайшла па пакупкі. Вярнуўшыся, яна выявіла, што жывёла знікла. Дарэчы, кошт гадаванца складаў 2000 рублёў.
Пазней па падазрэнні ў крадзяжы быў затрыманы 45‑гадовы мінчук.
«У той вечар ён таксама выйшаў у краму і звярнуў увагу на пакінутага без нагляду чужога сабаку. Зрабіўшы пакупкі, мужчына на зваротным шляху забраў шпіца і аднёс яго сваёй жонцы. Свой учынак ён патлумачыў тым, што ўзяў сабаку «каб клапаціцца пра яго»», — распавялі падрабязнасці ў міліцыі.
У выніку шпіца вярнулі сапраўднай гаспадыні. У дачыненні да мінчаніна заведзеная крымінальная справа за крадзеж.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары