Mužčyna zabraŭ sabaku ŭ kramie, kab pra jaho kłapacicca — i atrymaŭ kryminalnuju spravu
Minčanin ubačyŭ u kramie parodzistaha špica, pakinutaha nibyta biez nahladu.
Mužčyna vyrašyŭ zabrać špica, a paźniej adnios jaho svajoj žoncy. Adnak vyśvietliłasia, što ŭ hety ž čas sapraŭdnaja haspadynia hadavanca ŭžo źviarnułasia ŭ milicyju, paviedamlaje «Milicyja Minska».
Pavodle słoŭ žančyny, špica jana pakinuła ŭ tambury kramy, kali pajšła pa pakupki. Viarnuŭšysia, jana vyjaviła, što žyvioła źnikła. Darečy, košt hadavanca składaŭ 2000 rubloŭ.
Paźniej pa padazreńni ŭ kradziažy byŭ zatrymany 45‑hadovy minčuk.
«U toj viečar jon taksama vyjšaŭ u kramu i źviarnuŭ uvahu na pakinutaha biez nahladu čužoha sabaku. Zrabiŭšy pakupki, mužčyna na zvarotnym šlachu zabraŭ špica i adnios jaho svajoj žoncy. Svoj učynak jon patłumačyŭ tym, što ŭziaŭ sabaku «kab kłapacicca pra jaho»», — raspaviali padrabiaznaści ŭ milicyi.
U vyniku špica viarnuli sapraŭdnaj haspadyni. U dačynieńni da minčanina zaviedzienaja kryminalnaja sprava za kradziež.
Kamientary