Ціхаакіянская астраўная дзяржава Науру змяніла назву на Рэспубліку Нааэра (Repubrikin Naoero).
Ціхаакіянская астраўная дзяржава Науру змяніла назву на Рэспубліку Нааэра (Repubrikin Naoero). Заява апублікаваная на старонцы ўрада краіны ў Facebook.
Раней яна адклікала прызнанне Абхазіі і Паўднёвай Асеціі.
Нааэра— маленькая выспа ў Ціхім акіяне за 42 км ад экватара. Яе плошча ўсяго 21 квадратны кіламетр, а насельніцтва ўсяго 11 тысяч чалавек.
Нааэра з’яўляецца самай маленькай незалежнай рэспублікай на Зямлі, самай маленькай астраўной дзяржавай і самай маленькай дзяржавай за межамі Еўропы. Сярод незалежных дзяржаў меншую плошчу маюць толькі Манака (2 квадратныя кіламетры), але гэта княства, і Ватыкан (0,44 кв, км), гэта дзяржава-горад і тэакратычная манархія.
Дзяржава не мае афіцыйнай сталіцы. Неафіцыйная сталіца — горад Ярэн, дзе знаходзяцца парламент і аэрапорт краіны. У Ярэне жыве 747 чалавек.
Паходжанне слова Naoero дакладна не ўстаноўлена.
Цяпер чытаюць
Сяргей Ціханоўскі запусціў свой ютуб-канал з вершамі і казкамі44
Каментары