Блогер Максометр пераехаў з Латвіі ў Беларусь, купіў дом без туалета і скардзіцца, што нікому тут не патрэбны
«Я — грамадзянін Латвіі, пераехаў у Беларусь, лічы, на новае месца, мяне тут ніхто не чакаў. Купіў дом без вады, без туалета. І я вельмі спадзяваўся, што вы гэта ацэніце. У выніку ваша фінансавая падтрымка мяне як блогера знізілася практычна да нуля».
Максометр — рускамоўны блогер, прыхільнік «Мужского движения» (МД, супольнасць з патрыярхальнымі і жанчынаненавісніцкімі поглядамі). На сваім ютуб-канале ён публікуе відэа пра «правільныя» паводзіны ў адносінах з жанчынамі.
Блогер нарадзіўся ў Казахстане, з трохгадовага ўзросту жыў у Латвіі, мае латвійскае грамадзянства, а яго бацька — беларус. У 2023 годзе Максометр пераехаў у Беларусь, дзе атрымаў дазвол на жыхарства па спрошчанай працэдуры як этнічны беларус. Пасля пераезду ён стаў героем сюжэтаў дзяржаўных СМІ, у якіх расказваў пра цяжкасці жыцця ў Латвіі і сцвярджаў, што ў гэтай краіне дыскрымінуюць рускамоўнае насельніцтва.
Раней блогер расказваў, што купіў у Беларусі дом, які паступова добраўпарадкоўвае, а жыве на ўласныя зберажэнні.
Нядаўна Максометр апублікаваў новае відэа — ён незадаволены, што падпісчыкі яму мала данацяць.
Па словах Максометра, калі ён жыў у Латвіі, меў вялікую аўдыторыю, але вымушаны быў з'ехаць нібыта з-за ціску з боку «людзей у цывільным», якія прапаноўвалі выкарыстоўваць папулярнасць канала для крытыкі ўладаў Беларусі і Расіі.
Ён разлічваў, што пасля пераезду яго рашэнне ацэняць гледачы, аднак атрымалася наадварот — фінансавая падтрымка амаль знікла.
«Да таго, як я з'ехаў у Беларусь, многія з вас пісалі: «Максометр, братан, прыязджай да нас у Расію, у Беларусь, так, мы табе дапаможам, мы табе тое, мы табе гэта». А насамрэч усё гэта туфта. Ніхто табе не дапаможа, ніхто табе ні ў чым… можа быць, нейкай парадай, так, можа быць…» — наракае блогер.
«І калі некаторыя з вас крыўдзяцца на мяне, кажуць, што вось, Максометр, чаму ты не здымаеш ролікі… Хлопцы, вы што, не разумееце ці што? Да вас не даходзіць ці што? Ну, то бок, б*****, пі***ец.
Я — грамадзянін Латвіі, пераехаў з Латвіі ў Беларусь, лічы, на новае месца, мяне тут ніхто не чакаў. Разумееце? Купіў дом без вады, без туалета. Ну, дзякуй Богу, зрабіў — і ваду правёў, і туалет зрабіў і гэтак далей.
(…) Я вельмі спадзяваўся, што вы гэта ацэніце. То бок вы ацэніце тое, што я пераехаў з Латвіі ў Беларусь, што я на вашым баку. Разумееце?
У выніку пасля майго пераезду ў Беларусь ваша фінансавая падтрымка мяне як блогера знізілася практычна да нуля. І потым вы кажаце: «Максометр, давай яшчэ».
Па словах блогера, яго стрымы глядзяць 500—700 чалавек, а «прылятае» ад 5 да 10 долараў максімум. Пры гэтым частка гледачоў папракае яго за тое, што ён сам вучыць мужчын не дапамагаць іншым.
Менавіта адсутнасцю матэрыяльнай падтрымкі Максометр тлумачыць і тое, чаму яго канал ужо не такі актыўны, як некалькі гадоў таму. Ён таксама прызнаецца, што «крыху расчараваўся наогул у мужчынскай аўдыторыі».
«Асноўны натоўп, ды практычна ўвесь натоўп, гэта ў прынцыпе эгаістычныя людзі, якія табе, наогул нічога не зробяць, нічым не дапамогуць. Нават рубля не пералічаць, разумееце?
Але пры гэтым яшчэ будуць абражаць цябе, недзе ў чатах сядзець і размаўляць пра тое, які ты дрэнны, што ты ім штосьці не дадаў. Мужчына нікому нічога не павінен. Я вам таксама нічога не павінен. Я гэта рабіў па дабрыні душэўнай. І нават зараз я здымаю гэты ролік, мог бы не здымаць. Па дабрыні душэўнай.
Але раз такое стаўленне, раз вы лічыце, што гэта ўсё павінна быць за так, ну тады я не ведаю, хадзіце па ўсякіх блогерах, па групах, там, не ведаю. Рабіце што хочаце», — выказвае крыўду Максометр.
Каментары
А ў якім месцы ён З- блогер? Ён жа эмдэшнік.