Ва Уроцлаве затрымалі двух нападнікаў, што жорстка збілі ўкраінскую пару. Што за яны
Сталі вядомы некаторыя падрабязнасці пра падазраваных у рэзанансным нападзе на ўкраінскую пару ва Уроцлаве. Паліцыя Уроцлава паведаміла пра затрыманне двух падазраваных ва ўзросце 27 і 45 гадоў.
Ва Уроцлаве грамадскае абурэнне выклікаў напад на двух грамадзян Украіны — Насцю і Максіма.
Паводле Gazeta Wyborcza, дзяўчына Насця зайшла ў краму па пакупкі, пакуль яе хлопец Максім чакаў каля машыны. У чарзе мужчына з бінтам на назе паспрабаваў прайсці без чаргі. Дзяўчына зрабіла яму заўвагу. Мужчына і яго прыяцель у чырвонай майцы пачалі чапляцца да дзяўчыны і спыталі, ці яна з Украіны. Яна пачула на свой адрас і адрас свайго хлопца абразы і заклікі «ехаць на вайну».
Калі Насця вярталася да машыны, мужчына з бінтам на назе ўжо ўдарыў Максіма. Пасля гэтага мужчына ў чырвонай майцы з усёй сілы ўдарыў Насцю кулаком у твар.
Да збіцця далучыўся яшчэ адзін мужчына ў жоўтай майцы, які сядзеў у спартыўным аўто непадалёку. Ён падбег і пачаў наносіць удары Максіму, у тым ліку нагой па галаве. Пасля гэтага мужчына сеў у сваю машыну і з’ехаў.
У панядзелак увечары, 27 ліпеня, польская паліцыя пры падтрымцы антытэрарыстычнага падраздзялення затрымала двух з трох падазраваных.
Як піша Gazeta Wyborcza, адным з нападнікаў (з бінтам на назе) з’яўляецца Адам С., па мянушцы Ціцу — раней судзімы мужчына. Ён адбыў 10‑гадовы тэрмін зняволення — за што, не паведамляецца. Ён займаецца боксам і выступае ў кулачных баях.
Мужчына ў жоўтай майцы займаецца ММА. Менавіта ён з’ехаў з месца здарэння на спартыўным аўто, але быў затрыманы паліцыяй.
Паліцыя працягвае расследаванне справы, шукае ўсіх датычных да нападу на глебе нацыянальнай нянавісці.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары
[Зрэдагавана]