Украінскую пару жорстка збілі ва Уроцлаве. Прычынай, паводле іх, стала ўкраінская мова
У польскім Уроцлаве адбыўся напад на маладых хлопца і дзяўчыну з Украіны, у выніку чаго яны апынуліся ў бальніцы.
Як паведаміла маці пацярпелай Карына Кіцай, канфлікт успыхнуў у нядзелю, 26 ліпеня, пасля таго, як нападнікі пачулі ў краме ўкраінскую мову.
На вуліцы да пары падбеглі трое маладых людзей і пачалі біць украінцаў кулакамі і нагамі. Паводле сваякоў, дзяўчына атрымала траўмы — пашкоджана вуха, раны на шыі, медыкам прыйшлося накладваць швы.
Сведка здарэння зафіксаваў напад на відэа, дзякуючы чаму здарэнне атрымала значную агалоску.
Паліцыі Уроцлава пацвердзіла факт інцыдэнту і заявіла, што праваахоўнікі расследуюць здарэнне як напад, учынены на глебе нацыянальнай нянавісці.
Каментары