Бакі ўжо падпісалі доўгатэрміновы кантракт.
Вядомы ў мінулым футбаліст, а цяпер трэнер Зінедзін Зідан узначаліў зборную Францыі. Бакі ўжо падпісалі доўгатэрміновы кантракт, паведаміў вядомы інсайдар Фабрыцыа Рамана ў сваіх сацыяльных сетках.
Паводле інфармацыі крыніцы, вусная дамоўленасць была дасягнута яшчэ ў лістападзе, а цяпер бакі замацавалі яе юрыдычна.
Зідан не займаўся трэнерскай дзейнасцю з 2021 года. Раней ён двойчы ўзначальваў мадрыдскі «Рэал»: у 2016—2018 гадах і з 2019 па 2021 год. За час яго працы мадрыдскі клуб заваяваў 11 трафеяў, у тым ліку тры тытулы пераможцы Лігі чэмпіёнаў УЕФА.
Зборную Францыі з 2012 года трэніраваў Дзідзье Дэшам, які прывёў яе да перамогі на чэмпіянаце свету ў 2018 годзе і срэбра на мундыялі-2022. На ЧС-2026 Францыя прайграла ў паўфінале Іспаніі, а ў матчы за 3‑е месцы саступіла Англіі з лікам 4:6.
У 1998 годзе Дэшам і Зідан як гульцы выйгралі з Францыяй чэмпіянат свету, а ў 2000 годзе чэмпіянат Еўропы. Дэшам быў капітанам зборнай.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары