Baki ŭžo padpisali doŭhaterminovy kantrakt.
Viadomy ŭ minułym futbalist, a ciapier trenier Ziniedzin Zidan uznačaliŭ zbornuju Francyi. Baki ŭžo padpisali doŭhaterminovy kantrakt, paviedamiŭ viadomy insajdar Fabrycya Ramana ŭ svaich sacyjalnych sietkach.
Pavodle infarmacyi krynicy, vusnaja damoŭlenaść była dasiahnuta jašče ŭ listapadzie, a ciapier baki zamacavali jaje jurydyčna.
Zidan nie zajmaŭsia trenierskaj dziejnaściu z 2021 hoda. Raniej jon dvojčy ŭznačalvaŭ madrydski «Reał»: u 2016—2018 hadach i z 2019 pa 2021 hod. Za čas jaho pracy madrydski kłub zavajavaŭ 11 trafiejaŭ, u tym liku try tytuły pieramožcy Lihi čempijonaŭ UEFA.
Zbornuju Francyi z 2012 hoda treniravaŭ Dzidźje Dešam, jaki pryvioŭ jaje da pieramohi na čempijanacie śvietu ŭ 2018 hodzie i srebra na mundyjali-2022. Na ČS-2026 Francyja prajhrała ŭ paŭfinale Ispanii, a ŭ matčy za 3‑ie miescy sastupiła Anhlii ź likam 4:6.
U 1998 hodzie Dešam i Zidan jak hulcy vyjhrali z Francyjaj čempijanat śvietu, a ŭ 2000 hodzie čempijanat Jeŭropy. Dešam byŭ kapitanam zbornaj.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary