На Кангрэсе беларусаў Украіны ў Кіеве ганаровым госцем стаў Зянон Пазняк. Пра гэта паведаміў у фэйсбуку кіраўнік грамадскага саюза «Білоруська спільнота України» Аляксей Францкевіч.
Паводле Францкевіча, Пазняк у сваім выступе гаварыў пра стварэнне і падтрымку структур, якія імітуюць апазіцыйную дзейнасць, але фактычна працуюць на кантроль і раскол палітычнага асяроддзя.
«У сваім выступе ён выказаў меркаванне, што значная частка апазіцыйных праектаў, якія з’яўляліся пасля 1994 года, была створана або выкарыстана спецслужбамі для кантролю над беларускім дэмакратычным рухам, выяўлення актыўных людзей, перахопу ініцыятывы і нейтралізацыі сапраўднай нацыянальнай апазіцыі.
Асобна ён адзначыў, што, на ягоны погляд, структуры, якія ўзніклі пасля падзей 2020 года, таксама павінны разглядацца праз прызму гэтай гістарычнай паралелі і падвяргацца крытычнаму аналізу», — напісаў Францкевіч.
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары