Прэзідэнт ФІФА хоча падзяліцца правамі на мундыяль з блізкімі да Трампа прыватнымі інвестарамі
Прэзідэнт Міжнароднай федэрацыі футбола Джані Інфанціна плануе прыцягнуць прыватных інвестараў да кіравання камерцыйнымі правамі чэмпіянату свету, паведамляе выданне The Times.
Па інфармацыі газеты, план прадугледжвае стварэнне асобнай кампаніі, якая будзе займацца арганізацыяй і камерцыйным кіраваннем сусветным першынствам.
Узначаліць інвестыцыйную групу павінна кампанія Thrive Capital, заснаваная Джошуа Кушнерам — малодшым братам Джарэда Кушнера, зяця прэзідэнта ЗША Дональда Трампа.
Паведамляецца, што Інфанціна ўжо правёў на гэты конт кансультацыі з асобамі, блізкімі да адміністрацыі Дональда Трампа.
Кошт здзелкі па продажы долі ў правах на чэмпіянат свету ацэньваецца прыкладна ў 17 мільярдаў еўра. Пры гэтым ФІФА плануе захаваць кантрольны пакет акцый і асноўны ўплыў на кіраванне турнірам.
Сам Інфанціна заявіў, што далейшае развіццё сусветнага футбола патрабуе новай арганізацыйнай мадэлі. Паводле яго слоў, камерцыйны бок гульні павінен працаваць як самастойны і эфектыўны бізнэс, што дазволіць яшчэ больш пашырыць папулярнасць футбола і павялічыць яго эканамічны патэнцыял ва ўсім свеце.
Чэмпіянат свету 2026 года нядаўна прайшоў у ЗША, Канадзе і Мексіцы. У фінальным матчы, які адбыўся ў амерыканскім Нью-Джэрсі, зборная Іспаніі ў дадатковы час з лікам 1:0 перамагла Аргенціну і стала новым чэмпіёнам свету.
Трамп хоча, каб Інфанціна стаў генеральным сакратаром ААН
Трамп стаў героем мемаў пасля чэмпіёнскага фота зборнай Іспаніі
Трамп пацвердзіў, што асабіста прасіў кіраўніка ФІФА не дыскваліфікоўваць форварда зборнай ЗША перад 1/8 фіналу
ФІФА адклала дыскваліфікацыю найлепшага бамбардзіра зборнай ЗША пасля званка з Белага дома
Цяпер чытаюць
Сяргей Ціханоўскі запусціў свой ютуб-канал з вершамі і казкамі29
Каментары