У БДУ прайшло залічэнне на бюджэт па шэрагу спецыяльнасцяў.
У панядзелак у БДУ прайшло залічэнне абітурыентаў на шэраг бюджэтных спецыяльнасцяў дзённай формы навучання. Сярод іх — факультэты міжнародных адносін, юрыдычны, эканамічны, геаграфіі і геаінфарматыкі, а таксама Інстытут тэалогіі імя святых Кірыла і Мяфодзія.
У гэты ж дзень з дапамогай аўтаматызаванай сістэмы ўніверсітэт прыняў бюджэтнікаў па профілях «Фізічныя навукі» і «Матэматычныя навукі і інфарматыка».
Найбольш высокімі аказаліся прахадныя балы на спецыяльнасцях «Міжнародная канфлікталогія» факультэта міжнародных адносін і «Міжнародная эканоміка і гандаль (з паглыбленым вывучэннем кітайскай мовы)» эканамічнага факультэта — па 395 балаў.
Самай шматлікай стала група спецыяльнасцяў профілю «Матэматычныя навукі і інфарматыка», куды залічылі 454 чалавекі, следам ідзе профіль «Фізічныя навукі» — 395 чалавек.
Сярод факультэтаў найбольшую колькасць бюджэтнікаў прыняў юрыдычны факультэт — 233 чалавекі, менш за ўсё — Інстытут тэалогіі, дзе студэнтамі сталі 25 абітурыентаў.
Цяпер чытаюць
Сяргей Ціханоўскі запусціў свой ютуб-канал з вершамі і казкамі69
Каментары