U BDU prajšło zaličeńnie na biudžet pa šerahu śpiecyjalnaściaŭ.
U paniadziełak u BDU prajšło zaličeńnie abituryjentaŭ na šerah biudžetnych śpiecyjalnaściaŭ dzionnaj formy navučańnia. Siarod ich — fakultety mižnarodnych adnosin, jurydyčny, ekanamičny, hieahrafii i hieainfarmatyki, a taksama Instytut teałohii imia śviatych Kiryła i Miafodzija.
U hety ž dzień z dapamohaj aŭtamatyzavanaj sistemy ŭniviersitet pryniaŭ biudžetnikaŭ pa profilach «Fizičnyja navuki» i «Matematyčnyja navuki i infarmatyka».
Najbolš vysokimi akazalisia prachadnyja bały na śpiecyjalnaściach «Mižnarodnaja kanfliktałohija» fakulteta mižnarodnych adnosin i «Mižnarodnaja ekanomika i handal (z pahłyblenym vyvučeńniem kitajskaj movy)» ekanamičnaha fakulteta — pa 395 bałaŭ.
Samaj šmatlikaj stała hrupa śpiecyjalnaściaŭ profilu «Matematyčnyja navuki i infarmatyka», kudy zaličyli 454 čałavieki, śledam idzie profil «Fizičnyja navuki» — 395 čałaviek.
Siarod fakultetaŭ najbolšuju kolkaść biudžetnikaŭ pryniaŭ jurydyčny fakultet — 233 čałavieki, mienš za ŭsio — Instytut teałohii, dzie studentami stali 25 abituryjentaŭ.
Kamientary