Палітык сёння пракаментаваў сітуацыю з мігрантамі з Узбекістана.
Лукашэнка зазначыў, што прэзідэнт Узбекістана папрасіў яго не толькі пра працаўладкаванне сваіх грамадзян, але перш за ўсё пра пастаўкі мяса і малака, піша БелТА.
«У іх не хапае зямлі, у іх няма вады (недастаткова водных рэсурсаў. У нас дастаткова і зямлі, і вады. Мы можам вырабляць мяса і малако», — сказаў ён і дадаў, што бакі дамовіліся аб прыездзе ў Беларусь работнікаў з Узбекістана, каб хутчэй і больш эфектыўна вырашыць пытанне з пастаўкамі неабходнай сельскагаспадарчай прадукцыі.
Разам з тым Лукашэнка звярнуў увагу, што калі нехта мае намер ехаць у Беларусь, каб атрымліваць «вельмі вялікія грошы» ў эквіваленце некалькіх тысяч даляраў, то лепш разгледзець, напрыклад, варыянт працаўладкавання ў Расіі.
«Там яны могуць уладкавацца на нафтавыя промыслы ці на іншыя аб'екты, працаваць і атрымліваць вельмі высокі заробак», — сказаў ён.
«Да нас яны прыедуць для таго, каб, яшчэ раз падкрэсліваю, вырабляць мяса, малако, іншую сельскагаспадарчую прадукцыю і пастаўляць яе на радзіму. Чым вышэйшая прадукцыйнасць, чым больш тавараў яны вырабяць, тым большы будзе заробак. І яны змогуць распараджацца ім так, як захочуць», — заявіў ён
«Калі вам людзі з боку не патрэбныя — не бярыце. Я вас не прымушаю іх браць», — адзначыў Аляксандр Лукашэнка.
Нагадаем, што тыдзень таму ў інтэрнэце з'явілася відэа, запісанае працоўнымі мігрантамі з Узбекістана, у якім яны наракалі на прапанаваны ім заробак у 500 даляраў, пры гэтым жыллё і харчаванне, з іх слоў, яны павінны былі аплачваць самастойна. Яны заяўлялі, што пры такіх умовах гатовыя адмовіцца ад працы і вярнуцца на радзіму.
На відэа адрэагавалі прапандысты, а адзін з працоўных мігрантаў запісаў новае, дзе сказаў пра заробак у 700 даляраў.
На сітуацыю адрэагавалі ўлады, міністр унутраных спраў Іван Кубракоў сказаў, што працоўныя мігранты ўжо размеркаваныя па прадпрыемствах, а старшыня Палаты прадстаўнікоў Ігар Сергеенка заявіў, што ўлады выконваюць усе абавязальніцтвы па прыёме работнікаў з Узбекістана
Мігранты з Узбекістана, якія толькі прыехалі, папрасілі вярнуць іх з Беларусі: абяцаных заробкаў няма
«Нам зараз плацяць па 700 даляраў заробку». Аўтар відэа з пратэстам узбекаў запісаў новае, а старое заклікае выдаліць
Кубракоў: Працоўныя мігранты ўжо размеркаваныя па прадпрыемствах
Сергеенка: Мы выконваем усе абавязальніцтвы па прыёме работнікаў з Узбекістана
Круты: Работнікі з Узбекістана завозяцца ў Беларусь пад інвестпраекты
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары