Крэмль адклікаў акрэдытацыі замежных СМІ на ваенны парад у Маскве «ў сувязі са складанай сітуацыяй», піша Spiegel.
Крамль адклікаў акрэдытацыі ў нямецкага часопіса Der Spiegel і іншых замежных СМІ.
Прадстаўнікі Крамля тэлефанавалі і паведамлялі аб адкліканні акрэдытацый на парад 9 мая. Паводле інфармацыі выдання, сярод тых, хто атрымаў адмову, былі таксама ARD, ZDF, Sky, інфармацыйнае агенцтва AFP, італьянскі тэлеканал Rai і японскі NHK.
Супрацоўніца Крамля ў размове з Der Spiegel заявіла: «Фармат асвятлення параду быў зменены з-за сітуацыі. Таму замежныя СМІ, якім раней была пацверджана акрэдытацыя, цяпер не дапускаюцца».
Іншым замежным медыя адказалі: «Дапускаюцца толькі расійскія СМІ».
Гэта першы выпадак, калі акрэдытацыі на парад 9 мая спачатку былі выдадзены замежным журналістам, а потым адкліканы.
Каментары