Свет66

«Дзіўнае жаданне ў гэтыя дні». Зяленскі не рэкамендуе замежным палітыкам ехаць 9 мая ў Маскву

У сваім звароце 7 мая прэзідэнт Украіны Уладзімір Зяленскі заявіў, што некаторыя краіны, блізкія да Расіі, плануюць адправіць сваіх прадстаўнікоў у Маскву, і назваў такое рашэнне «дзіўным жаданнем».

Уладзімір Зяленскі. Фота: Byron Smith/Getty Images

«У нас ёсць звароты ад некаторых дзяржаў, блізкіх да Расіі, пра тое, што іх прадстаўнікі збіраюцца быць у Маскве. Дзіўнае жаданне ў гэтыя дні. Мы не рэкамендуем», — заявіў Зяленскі ў звароце 7 мая.

Ён таксама нагадаў, што Украіна прапаноўвала Расіі спыніць агонь яшчэ з 6 мая, аднак, паводле яго слоў, у адказ працягнуліся расійскія ўдары і пагрозы.

Зяленскі раскрытыкаваў пазіцыю расійскага кіраўніцтва, заявіўшы, што Масква хоча бяспечна правесці парад, а пасля зноў працягваць вайну.

«Яны хочуць ад Украіны дазволу правесці свой парад, каб бяспечна выйсці на плошчу на гадзіну раз на год, а потым зноў забіваць нашых людзей і ваяваць. Ужо расіяне гавораць пра ўдары пасля 9 мая. Дзіўная і дакладна неадэкватная логіка расійскага кіраўніцтва».

Як раней паведамлялася, у парадзе 9 мая ў Маскве з замежных палітыкаў плануюць удзельнічаць Аляксандр Лукашэнка, лідары Малайзіі і Лаоса, а таксама непрызнаных Абхазіі і Паўднёвай Асеціі. Будзе ў той дзень у Маскве і прэм'ер-міністр Славакіі Роберт Фіца, але ці пойдзе ён на парад — стане вядома толькі ў той дзень.

Раней Расія абвясціла пра аднабаковае спыненне агню на перыяд з 8 па 10 мая. У адказ Украіна прапанавала ўвесці «рэжым цішыні» ўжо з 6 мая, але Масква не пагадзілася і баявыя дзеянні працягнуліся.

Мінабароны Расіі таксама заяўляла, што ў выпадку спробаў сарваць святкаванне ў Маскве могуць быць нанесеныя масіраваныя ракетныя ўдары па Кіеве.

На фоне пагроз і пытанняў бяспекі больш за 20 гарадоў Расіі і анексаванага Крыма адмянілі парады да Дня Перамогі. У Маскве і шэрагу іншых гарадоў вырашылі праводзіць мерапрыемствы без вайсковай тэхнікі.

Каментары6

  • Лукашэнка
    08.05.2026
    Заявіць зараз, што ў яго прытуп паносу, ніяк не магчыма ў маскву на парад, ну ніяк
  • Типок Вагнерок
    08.05.2026
    Пусть только попробует - отведает Сарматушки.
  • Nemo
    08.05.2026
    Типок Вагнерок, сам отведай своего сарматушки

Цяпер чытаюць

Расіянін месяц лётаў па Беларусі на машыне так, што атрымаў больш за 20 штрафаў на круглую суму

Расіянін месяц лётаў па Беларусі на машыне так, што атрымаў больш за 20 штрафаў на круглую суму

Усе навіны →
Усе навіны

Скандальна вядомай беларускай блогерцы адмовіліся прадаваць пярсцёнак Cartier у Парыжы49

У Харватыі перакуліўся пасажырскі аўтобус. Беларуска атрымала траўмы, дзве пасажыркі загінулі

У «Вялікім камені» пабудуюць стылёвы жылы комплекс. Вось якія цэны8

У Мінску адкрыюць новую вуліцу да канца года

Адной з мэтаў званка Стуба і Сцёрэ Пуціну была ацэнка псіхалагічнага стану расійскага прэзідэнта5

Памёр полацкі музыкант Руслан Кунцэвіч

Загінуў 42‑гадовы адміністратар лёзненскага пабліка Уладзімір Данюк

Блогерка назвала тры прычыны, чаму расіяне цяпер масава робяць ВНЖ у Беларусі29

Нікалас Мадура ў турме захапіўся рэлігіяй і філасофіяй2

больш чытаных навін
больш лайканых навін

Расіянін месяц лётаў па Беларусі на машыне так, што атрымаў больш за 20 штрафаў на круглую суму

Расіянін месяц лётаў па Беларусі на машыне так, што атрымаў больш за 20 штрафаў на круглую суму

Галоўнае
Усе навіны →

Заўвага:

 

 

 

 

Закрыць Паведаміць