Прэзідэнт Украіны заявіў, што Расія другі дзень парушае абвешчаны Кіевам з 6 мая рэжым цішыні.
«Удары Расіі па ўкраінскіх гарадах дэманструюць, што Расія сур’ёзна не разглядае магчымасць спынення агню. Зафіксаваныя значныя пашкоджанні грамадзянскіх аб’ектаў у Харкаўскай, Сумскай, Данецкай і Херсонскай абласцях. (…) Усё гэта сведчыць пра тое, што Расія не разглядае сур’ёзна магчымасць спынення агню, і адзінае, што працягвае турбаваць расійскае кіраўніцтва, — гэта кароткатэрміновая цішыня на Краснай плошчы. Расія працягвае забіваць людзей і цалкам неадэкватна турбуецца толькі пра некалькі гадзін цішыні ў адной частцы Масквы», — сказаў Зяленскі ў звароце 7 мая.
Зяленскі папярэдзіў, што Украіна будзе дзейнічаць люстэркава, і заклікаў да канкрэтных крокаў для завяршэння вайны.
«Мы прапаноўвалі цішыню з 00:00 6 мая. Учора і сёння гэты рэжым парушаецца Расіяй. У люстэркавым парадку і ў адказ на расійскія ўдары — нашы далёкабойныя санкцыі, у адказ на гатоўнасць Расіі перайсці да дыпламатыі будзем ісці шляхам дыпламатыі», — сказаў прэзідэнт Украіны.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак16
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары