Першая ноч цішыні, абвешчаная прэзідэнтам Украіны Уладзімірам Зеленскім з поўначы 6 мая, была адразу ж парушана расійскімі войскамі. Украінскія гарады атакавалі ўдарныя беспілотнікі і кіраваныя авіябомбы. Але маштаб атакі быў меншым за звычайны.
Найбольшыя наступствы зафіксаваны ў Харкаве, які раніцай атакавалі «шахеды».
У Новабаварскім раёне дрон патрапіў у прыватны дом, што выклікала моцны пажар. Агулам пашкоджана 7 прыватных дамоў.
Вядома пра двух пацярпелых. Удары таксама зафіксаваны ў Шаўчэнкаўскім раёне горада.
Расійская авіяцыя здзяйсняла запускі КАБаў па Сумскай, Харкаўскай, Данецкай і Запарожскай абласцях.
Расія абвясціла перамір'е на 8‑9 мая. Украіна — з поўначы 6 мая.
СПА збіла 89 са 108 беспілотнікаў, якімі Расія спрабавала атакаваць Украіну ўначы, паведамляюць Паветраныя сілы УСУ.
Але ёсць і прылёты: дзве ракеты «Іскандэр-М», адна ракета Х-31 і дзевяць дронаў пацэлілі ў восем розных месцаў. Таксама ў адным месцы ўпалі абломкі збітых цэляў.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г1
Каментары