Pieršaja noč cišyni, abvieščanaja prezidentam Ukrainy Uładzimiram Zielenskim z poŭnačy 6 maja, była adrazu ž parušana rasijskimi vojskami. Ukrainskija harady atakavali ŭdarnyja bieśpiłotniki i kiravanyja avijabomby. Ale maštab ataki byŭ mienšym za zvyčajny.
Najbolšyja nastupstvy zafiksavany ŭ Charkavie, jaki ranicaj atakavali «šachiedy».
U Novabavarskim rajonie dron patrapiŭ u pryvatny dom, što vyklikała mocny pažar. Ahułam paškodžana 7 pryvatnych damoŭ.
Viadoma pra dvuch paciarpiełych. Udary taksama zafiksavany ŭ Šaŭčenkaŭskim rajonie horada.
Rasijskaja avijacyja ździajśniała zapuski KABaŭ pa Sumskaj, Charkaŭskaj, Danieckaj i Zaparožskaj abłaściach.
Rasija abviaściła pieramirje na 8‑9 maja. Ukraina — z poŭnačy 6 maja.
SPA źbiła 89 sa 108 bieśpiłotnikaŭ, jakimi Rasija sprabavała atakavać Ukrainu ŭnačy, paviedamlajuć Pavietranyja siły USU.
Ale jość i pryloty: dźvie rakiety «Iskander-M», adna rakieta Ch-31 i dzieviać dronaŭ pacelili ŭ vosiem roznych miescaŭ. Taksama ŭ adnym miescy ŭpali abłomki źbitych celaŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary