Mer Vilni patłumačyŭ, što źmienicca dla biełaruskaj himnazii paśla ŭviadzieńnia abaviazku dzieciam inšaziemcaŭ chadzić u litoŭskamoŭnyja škoły
Mer Vilni Vałdas Biankunskas na svajoj staroncy ŭ fejsbuku patłumačyŭ, što źmienicca paśla taho, jak 28 studzienia Vilenskaja haradskaja rady pryniała pastanovu, pavodle jakoj dzieci z krain, što nie ŭvachodziać u Jeŭrasajuz i prybyvajuć u Litvu ŭpieršyniu, pavinny iści tolki ŭ litoŭskamoŭnyja pačatkovyja škoły.
«Dahetul situacyja była sapraŭdy nieadekvatnaj — bolšaja častka takich dziaciej nakiroŭvałasia ŭ škoły z ruskaj movaj navučańnia. Fakty śviedčać, što takaja situacyja prahramavała horšuju budučyniu dla hetych dziaciej u Litvie: pravodziačy pačatkovaje navučańnie nie ŭ litoŭskamoŭnym asiarodździ, jany ciažej intehrujucca ŭ žyćcio Vilni.
Heta aznačaje horšyja vyniki ekzamienaŭ, abmiežavanyja mahčymaści dla navučańnia, mienšyja šancy na rynku pracy i bolšuju sacyjalnuju izalacyju ad astatnich vilenčukoŭ», — patłumačyŭ mer Vilni nieabchodnaść pryniaćcia takoj pastanovy, adznačyŭšy, što «siońniašnija rašeńni vyznačajuć, jakija sacyjalnyja prablemy my budziem mieć (ci nie budziem mieć) praz 10 ci 20 hadoŭ».
U toj ža čas Biankunskas zhadaŭ i pra adzinaje vyklučeńnie z ahulnaha praviła:
«U Vilni zdaŭna isnuje i adna dziaržaŭnaja biełaruskaja škoła — imia Francyska Skaryny. Na pasiadžeńni rady było ŭchvalena rašeńnie ab źmienie statuta hetaj škoły: u joj stanie bolš urokaŭ litoŭskaj movy i źjaviacca paralelnyja kłasy, tamu ŭ jaje možna budzie pastupać jak u de facto litoŭskuju škołu».
Pavodle novych pravił, za jakija prahałasavali deputaty Vilenskaj haradskoj rady, dzieci inšaziemcaŭ z dazvołam na pastajannaje abo časovaje pražyvańnie, jakija raniej nie vučylisia ŭ Litvie i pretendujuć na atrymańnie pačatkovaj adukacyi, zmohuć padać zajavu praz elektronnuju sistemu i vybrać da troch municypalnych škoł ź litoŭskaj movaj navučańnia. Prynamsi adna z vybranych škoł pavinna być zamacavana za dziciom pa miescy žycharstva, a ŭsie škoły ŭ śpisie majuć być paznačany ŭ paradku pryjarytetnaści.
Źmieny buduć tyčycca tolki tych inšaziemcaŭ, jakija prybuduć u Vilniu paśla ŭstupleńnia rašeńnia ŭ siłu, i nie buduć raspaŭsiudžvacca na pryvatnyja škoły.
U Vilni małyja dzieci zamiežnikaŭ buduć chadzić tolki ŭ litoŭskamoŭnyja škoły. Ale dla biełaruskamoŭnaj himnazii zrobiać vyklučeńnie
Biełarusy Vilni źbirajuć podpisy ŭ abaronu mahčymaści navučać dziaciej pa-biełarusku
Školnaja reforma ŭ Vilni moža pryvieści da zakryćcia biełaruskaj himnazii imia Skaryny
«Niama popytu na daškolnuju hrupu». Što budzie z sadkom pry biełaruskamoŭnaj himnazii ŭ Vilni
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca10
Kamientary