Koŭł uźniaŭ pytańnie pra novyja aryšty. «To-bok my vyzvalajem 10 čałaviek, a jany aryštoŭvajuć jašče 10»
Pa jaho słovach, jany ŭpieršyniu zakranuli heta pytańnie padčas pieramoŭ z Łukašenkam.
Śpiecpasłańnik prezidenta ZŠA pa Biełarusi Džon Kouł na sustrečy z Łukašenkam 19 sakavika ŭzdymaŭ pytańnie ab spynieńni novych aryštaŭ.
Jak raskazaŭ Koŭł u intervju «DW Biełaruś», heta byŭ «pieršy raz, kali ja ŭźniaŭ pytańnie pra novyja aryšty pa miery vyzvaleńnia ludziej»: «To-bok my vyzvalajem 10 čałaviek — a jany aryštujuć jašče 10?».
Jon taksama adznačyŭ, što było niaprosta dabicca, kab častcy vyzvalenych palitviaźniaŭ dazvolili zastacca ŭ Biełarusi.
«Heta było davoli napružanaje pytańnie ŭ pieramovach u apošnija miesiacy — zachavać mahčymaść dla ludziej zastavacca ŭ svajoj rodnaj krainie», — raskazaŭ Koŭł.
Pavodle jaho słoŭ, ludziej paprasili «viarnucca dadomu i pavodzić siabie spakojna, kab my mahli dabicca vyzvaleńnia astatnich».
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary