U intervju vydańniu The New York Post prezident ZŠA Donald Tramp skazaŭ, što daŭno ličyć siabie adnoj z hałoŭnych celaŭ Irana. Pavodle jaho słoŭ, jon pakinuŭ rasparadžeńnie, kab u vypadku jaho hibieli Iran byŭ atakavany «z takoj siłaj, jakoj jon jašče nikoli nie bačyŭ».
Takim čynam Tramp prakamientavaŭ paviedamleńni pra toje, što Izrail nibyta pieradaŭ ZŠA raźviedvalnyja źviestki pra novy płan Irana ab jahonym zabojstvie. Pry hetym amierykanski prezident zajaviŭ, što pahrozy ŭ svoj adras atrymlivaje ŭžo daŭno, i adznačyŭ, što Izrail nie adkryŭ ničoha pryncypova novaha.
Raniej amierykanskaja presa paviedamlała, što izrailskaja raźviedka pieradała amierykanskim uładam infarmacyju pra mahčymuju padrychtoŭku novaha zamachu na Trampa. Pavodle infarmacyi krynic, u apošnija tydni amierykanskija śpiecsłužby ŭžo atrymlivali padobnyja sihnały, ale apošnija danyja ŭtrymlivali novyja źviestki pra mierkavanuju zmovu.
Padrabiaznaści mahčymaj apieracyi pakul nie raskryvajucca. Razam z tym niekatoryja amierykanskija čynoŭniki miarkujuć, što Izrail moh pieradać takuju infarmacyju, kab paŭpłyvać na pazicyju Donalda Trampa adnosna mahčymaha ŭzmacnieńnia vajennych dziejańniaŭ ZŠA suprać Irana.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary
«Drop the bomb. Exterminate them all!» («Sbrośtie bombu. Uničtożtie ich vsiech»).
Połkovnik Kurc.