Jon taksama skazaŭ, što ŭ pieramovach z Tehieranam bolš niama sensu. «Jak pa mnie, ja dumaju, što ŭsio skončana», — skazaŭ jon.
Prezident ZŠA Donald Tramp na samicie NATA adkazaŭ na pytańnie žurnalistaŭ, ci praciahniecca režym spynieńnia ahniu ź Iranam.
«Heta vielmi cikavaje pytańnie. Mnie zdajecca, što jon skončyŭsia. Ja bolš nie chaču mieć ź imi spravy <…> Z majho punktu hledžańnia, usio skončana. Ja pahavaru z našymi pieramoŭnikami — jany chočuć vieści pieramovy. Z majho punktu hledžańnia, heta prosta marnavańnie času — mieć ź imi spravu», — skazaŭ Tramp.
«My nie dazvolim varjatam-irancam atrymać jadziernuju zbroju. Iran sprabavaŭ zabić mianie i źniščyŭ tysiačy ŭłasnych hramadzian. Nie dumaju, što jany sami razumiejuć, što robiać. My patracili na ich zašmat času, i nam daviadziecca zrabić tam toje, što nieabchodna».
«Hetyja varjaty ŭ Iranie — jany niejkija chvoryja na hałavu. Jany złyja. Ja ich nienavidžu. Ich nichto nie lubić. Jany — niaŭdačniki. Inakš jany daŭno zaklučyli b z nami pahadnieńnie. My ŭžo likvidavali ich pieršaje kiraŭnictva, a zatym i druhoje. Heta złyja i chvoryja ludzi. Ich treba źniščyć pad korań, jak rakavuju puchlinu», — dadaŭ jon.
Kamientary