U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie
Ich aryštavali razam, ale Natalla ŭžo paŭtara hoda siadzić u SIZA.
U śpis pamiłavanych 19 sakavika 2026 hoda trapiŭ Siarhiej Daronin — nie nadta miedyjny čałaviek, u bazach palitviaźniaŭ navat nie było jaho fatahrafii. My ledź znajšli tolki taki zdymak Siarhieja, z ułasnaha padvorka.
Siarhieju 51 hod. Jon z Horak. Miarkujučy pa sacsietkach, pracavaŭ zvyčajnym rabočym.
Daronina aryštavali ŭ kastryčniku 2024 padčas abłavy na ŭdzielnikaŭ dvarovych i haradskich supolnaściaŭ. Za heta jamu prysudzili dva z pałovaj hoda źniavoleńnia — za «ŭdzieł u ekstremisckim farmiravańni» (č. 3 art. 361‑1 Kryminalnaha kodeksa).
Razam ź Siarhiejem aryštavali i žonku, 52‑hadovuju Natallu Daroninu. Jana rodam z Sankt-Pieciarburha, ale bolšuju častku žyćcia pražyła ŭ Biełarusi, u Horkach. Raniej mieła status indyvidualnaj pradprymalnicy, handlavała ŭ kijosku.
Natalli vystavili abvinavačańni pa bolš ciažkich artykułach — udzieł u ekstremisckim farmiravańni (č. 3 art. 361-1) i ŭdzieł u zmovie z metaj zachopu dziaržaŭnaj ułady (č. 1 art. 357 KK).
19 sakavika ŭ jaje byŭ finalny sud. Natalli prysudzili 8,5 hadoŭ kałonii.
«Naša Niva» — bastyjon biełaruščyny
PADTRYMAĆ
Čamu YouTube vydaliŭ kanały BiełTA, STB i ANT? Voś što viadoma11
Kamientary