Žurnalisty znajšli, dzie žyvie adzin z načalnikaŭ kałonii Babrujska — «končany sadyst» Šynvize
Adzin z adyjoznych načalnikaŭ kałonii Babrujska Dźmitryj «Rudolf» Šynvize pierabraŭsia ŭ Hiermaniju i staŭ hier Dimitri Schönwiese. Ciapier niamieckija žurnalisty znajšli jaho dom.
Były načalnik apieratyŭna-režymnaj častki babrujskaj kałonii №2 zdoleŭ pačać zusim novaje, cichaje žyćcio ŭ Hiermanii. Skarystaŭšysia svaimi niamieckimi karaniami, jon atrymaŭ status «poźniaha pierasialenca» i razam z žonkaj pierajechaŭ u Švieryn — malaŭničuju stalicu ziamli Mieklenburh — Piaredniaja Pamieranija.
Niekatory čas jahony spakoj ništo nie parušała, pakul «Naša Niva» nie raspaviała pra jaho, a ciapier i niamieckija žurnalisty vydańnia Welt am Sonntag vyjšli na jahony śled.
Ciapier ład jahonaha cichaha žyćcia krychu pachisnuŭsia.
Reparciory pastukalisia ŭ jahonyja dźviery. I im adkryła žonka Šanvize.
Daviedaŭšysia, pra što idzie havorka, jana patelefanavała mužu. Toj zabaraniŭ joj davać svoj numar telefona. Na piśmovyja pytańni Welt am Sonntag jon nie adkazaŭ.
Jak pisała «Naša Niva», byłyja źniavolenyja babrujskaj kałonii havorać pra vyklučna žorstkaje abychodžańnie z asudžanymi novaha hramadzianina Hiermanii i charaktaryzujuć jaho jak «vyklučnaha sadysta».
Niamieckaja kryminalnaja palicyja (BKA) zaviała spravu dla rasśledavańnia «abstavin i mahčymaha ŭdziełu dadzienaj asoby ŭ patencyjnych złačynstvach suprać čałaviečnaści». Da jakich vynikaŭ pryjšło rasśledavańnie i ci praciahvajecca jano, pakul nie viadoma.
-
Saładucha raspavioŭ, čamu pahadziŭsia «krucić huś» u chajpovaj rekłamie kazino
-
Chto byŭ pieršym naminantam na Nobieleŭskuju premiju ź Biełarusi i što pra kandydataŭ-suajčyńnikaŭ viadoma z rassakrečanych archivaŭ
-
Sudździu Brysinu, jakaja prysudziła Paŭłu Biełavusu 13 hadoŭ kałonii, adpravili na piensiju i vydali znak «Za addanaść pravasudździu»
Kamientary