Łukašenka pra «vialikuju ździełku» z ZŠA: Heta nie tolki palitviaźni
Alaksandr Łukašenka raskazaŭ pra detali ŭčorašnich pieramovaŭ z delehacyjaj ZŠA.
«Tak, sapraŭdy, amierykancy ŭ chodzie pieramovaŭ — treci ci čaćviorty raŭnd byŭ — jany ad imia Donalda Trampa prapanavali zaklučyć vialikuju ździełku, dzie budzie adlustravany šerah pytańniaŭ, jakija znachodziacca ŭ paradku našych pieramovaŭ, — skazaŭ jon. — Ja što, adpiracca budu? Dla Biełarusi heta važna i dla mianie ŭ tym liku.
Tamu ja skazaŭ: «Ja heta narmalna ŭsprymaju, pieradajcie Donaldu, što ja zhodny, kab vypracavać hetuju vialikuju ździełku, padrychtavać».
Jon adznačyŭ, što praces idzie.
«My abaznačyli svaje intaresy i nakiravali amierykancam adpaviednyja prapanovy. Jak jany mianie infarmavali, jany prapracoŭvajucca, — raspavioŭ jon. — Vialikaja ździełka — heta nie tolki «palitviaźni», jak jany kažuć. Chacia i ja ich pastajanna papraŭlaju, što ŭ nas palitviaźniaŭ niama, bo ŭ nas niama palityčnych artykułaŭ».
«Ja ŭ ich nikoli nie prasiŭ ničoha ŭzamien, navat pa sankcyjach. Nikoli», — zajaviŭ Alaksandr Łukašenka. Jon pachvaliŭ amierykanski bok za toje, što ŭ hetym płanie jany samastojna abaznačajuć tyja ci inšyja pytańni. Jon pryvioŭ prykład, što ŭ pieramoŭnym paradku dnia nie tolki praca pasolstvaŭ, ale i tema jadziernych materyjałaŭ.
«Vy ž viedajecie, što ŭ nas hetych jadziernych materyjałaŭ niamała. Pad kantrolem, jak kaliści damovilisia. MAHATE bačyć, dzie my zachoŭvajem hetyja jadziernyja materyjały. Heta taksama dla ich cikava ŭ płanie nieraspaŭsiudžvańnia zbroi», — skazaŭ Łukašenka.
«My rychtujemsia da hetaj vialikaj damovy z amierykancami», — zajaviŭ jon.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary
A Łuka jak fokuśnik budzie sa šlapy dastavać usio novych i novych.
Možna jašče vizit HUBAZIKa i Karpiankova ŭ ZŠA arhanizavać - abmien dośviedam pa supraćstajańni teraryzmu.