U rajonie Armuza adbyŭsia maštabny raźliŭ nafty. Jość pahroza ekałahičnaj katastrofy
U Piersidskim zalivie kala iranskich astravoŭ Kiešm i Siry zafiksavali dźvie vialikija naftavyja plamy. Raźlivy adbylisia na fonie napadaŭ na tankiery i inšyja sudny i mohuć pryvieści da surjoznych nastupstvaŭ dla marskoj ekasistemy. Zabrudžvańnie taksama moža zakranuć uźbiarežža Amana, paviedamlaje Reuters.
Spadarožnikavyja zdymki i videa pakazvajuć značnyja ślady nafty ŭ akvatoryi. Adzin z raźlivaŭ znachodzicca kala paŭdniovaj častki vostrava Kiešm. Na spadarožnikavych zdymkach vidać ciomnuju vadkaść, jakaja ŭžo dasiahnuła ŭźbiarežža plažaŭ Suz na vostravie.
Druhuju naftavuju plamu vyjavili kala vostrava Siry, prykładna za 100 kiłamietraŭ na paŭdniovy zachad ad Kiešma. U hetym rajonie viadziecca zdabyča nafty i hazu na marskim šelfie Irana.
Pavodle adnoj ź viersij, zabrudžvańnie kala Kiešma mahło być źviazana z uciečkaj z sudna Minoan Pioneer, jakoje išło pad ściaham Libieryi i pieravoziła suchija hruzy. 3 žniŭnia kala ŭźbiarežža Amana sudna było paškodžana nieviadomym snaradam. Pavodle krynic u śfiery marskoj biaśpieki, heta mahła być ataka Irana padčas prachodžańnia Armuzskaha praliva.
Dakładnaja pryčyna raźlivaŭ pakul, adnak, nie ŭstanoŭlenaja. Niezaležna paćvierdzić ich pachodžańnie taksama nie ŭdałosia, jak i dakładny skład rečyvaŭ u plamach.
Asobny bujny raźliŭ zafiksavany kala ŭźbiarežža Amana, za miežami Armuzskaha praliva. Tam tankier Caroline Bezengi sieŭ na miel, u vyniku čaho ŭ mora vyciakaje rasijskaja syraja nafta. Pavodle pryviedzienych u materyjale źviestak, naftavaja plama zajmaje kala 2 tysiač kvadratnych kiłamietraŭ i znachodzicca ŭ achoŭnaj marskoj zonie.
Śpiecyjalisty papiaredžvajuć, što čym daŭžej nafta zastajecca ŭ navakolnym asiarodździ, tym dalej jana moža raspaŭsiudžvacca i tym bolšaj stanovicca škodnaj dla marskich ekasistem i bierahavoj linii.
Situacyja ŭskładniajecca vajskovym kanfliktam u rehijonie. Jon pieraškadžaje śpiecyjalistam svoječasova aceńvać maštaby zabrudžvańnia i pravodzić raboty dla likvidacyi nastupstvaŭ.
Navukoŭcy bjuć tryvohu: sudny, jakija zachraśli ŭ Armuzskim pralivie, raźniasuć pa ŭsim śviecie hrymučuju bijałahičnuju sumieś
Jeŭropa ŭžo amal advykła ad rasijskaha hazu, ale zima znoŭ pahražaje ES enierhietyčnym kryzisam
Tramp nazvaŭ mahčymuju datu adkryćcia Armuzskaha praliva
Iran zachavaje kantrol nad Armuzskim pralivam
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ26
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary