Taksama ŭsim im dali hihanckija štrafy pa 45 000 rubloŭ.
U Minsku 19 sakavika vynieśli prysud pa hučnaj spravie «dvarovych čataŭ». Buchhałtarku ź Minska Irynu Jakaŭlevu, Anžełu Aharak i Viktoryju Hryńko abvinavacili pavodle art. 357 Kryminalnaha kodeksa «zmova abo inšyja dziejańni, ździejśnienyja z metaj zachopu dziaržaŭnaj ułady».
Irynie i Anžele pryznačyli pa vosiem z pałovaj hadoŭ kałonii kožnaj, a Viktoryi — dzieviać hadoŭ, taksama ŭsim pryznačyli štraf 1000 bazavych vieličyniaŭ (pa 45 000 rubloŭ), piša «Viasna».
Irynie Jakaŭlevaj litaralna dniami spoŭnicca 58 hadoŭ. Jana była zatrymanaja 31 kastryčnika 2024 hoda pa spravie tak zvanych dvarovych čataŭ. Joj, jak miarkujecca, pastavili ŭ vinu art. 357 KK Respubliki Biełaruś — «zmova abo inšyja dziejańni, ździejśnienyja z metaj zachopu dziaržaŭnaj ułady».
U toj ža dzień «Dvarovaja kaalicyja «Orden», u jakuju ŭłady ŭklučyli šerah dvarovych čataŭ, była ŭniesiena ŭ pieralik struktur, nibyta datyčnych da «ekstremisckaj dziejnaści». Siarod asob, jakich ułady źviazali z hetym «farmavańniem», była paznačanaja i Iryna Jakaŭleva.
Viadoma, što Iryna Jakaŭleva — aktyŭnaja pravasłaŭnaja viernica, jakaja zajmałasia carkoŭnym mastactvam, a taksama achviaravała na chramy i manastyry ŭ Biełarusi. Jana ŭžo praviała ŭ SIZA amal paŭtara hoda.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary
Kaniečnie, vielmi zručna było šukać čaty susiedziaŭ, kab da ich dałučycca.
Ale ž i Hubaziku było vielmi zručna bačyć usio, jak na dałoni, sačyć za pratestoŭcami, uniadracca ŭ čaty i manipulavać hrupaj znutry.