Avijakampanija z AAE FlyDubai adnaŭlaje avijaspałučeńnie ź Minskam paśla pierapynku, jaki ciahnuŭsia z kanca śniežnia 2025 hoda. Pavodle raskładu na aficyjnym sajcie pieravozčyka, pramyja rejsy pamiž Dubajem i biełaruskaj stalicaj znoŭ pačnuć vykonvacca z 1 lutaha 2026 hoda.
Raniej FlyDubai spyniła paloty ŭ Minsk z 24 śniežnia, spasłaŭšysia na apieracyjnyja pryčyny, i nakiravała samaloty zamiest hetaha ŭ Maskvu. Terminy adnaŭleńnia rejsaŭ niekalki razoŭ pieranosilisia — spačatku da 8 studzienia, potym da 11-ha, dalej da siaredziny miesiaca i ŭ vyniku da 1 lutaha.
Ciapier paćvierdžana, što z 1 lutaha pačnuć vykonvacca rejsy z Dubaja ŭ Minsk, a z 2 lutaha — u zvarotnym napramku. Paloty buduć štodzionnymi. Košt bileta ŭ adzin bok składaje kala 1820 dzirchamaŭ AAE, što adpaviadaje prykładna 1412 biełaruskim rublam pavodle kursu Nacbanka na 29 studzienia 2026 hoda.
Jak i raniej, viačerni rejs budzie vylatać z Dubaja ŭ 18:15 i prybyvać u Minsk u 23:45. Roźnica ŭ časie pamiž haradami — adna hadzina, a praciahłaść palotu — kala šaści z pałovaj hadzin.
Akramia taho, avijakampanija paviedamiła partnioram, što z 14 lutaha płanuje adnavić i ranišnija rejsy: vylet z Dubaja ŭ 7:15 z prylotam u Minsk u 12:45. Takim čynam, znoŭ budzie dastupna dva rejsy na dzień.
Pry hetym štodzionnyja pramyja paloty pamiž Minskam i Dubajem praciahvaje vykonvać i biełaruskaja avijakampanija «Biełavija»: samalot vylataje ź Minska ŭ 3:05 nočy i prybyvaje ŭ Dubaj kala 9:50 ranicy.
Kamientary
A to vłasti sdiełali vid ,čto ničieho nie praizošło!