Na «Miehatop» skłali pratakoł za nadpis na kiedach i pahražajuć «arhvysnovami»
Siońnia stała viadoma, što ŭ asartymiencie abutkovaj kramy «Miehatop» źjavilisia kiedy z naniesienaj na ich abrevijaturaj ACAB, jakuju šmat hadoŭ vykarystoŭvajuć, kab vykazać niehatyŭnaje staŭleńnie da palicyi. Spačatku šum padniali prapahandysty, a ciapier adreahavali i siłaviki.
HUBAZiK paviedamiŭ, što tavar źniaty z prodažu, a na jurydyčnuju asobu, jakoj naležać kramy «Miehatop», składzieny pratakoł za «raspaŭsiud ekstremisckaj simvoliki».
Na padstavie hetaha pratakoła kampanija pavinna budzie zapłacić štraf da 500 bazavych vieličyń (22 500 rubloŭ). Taksama HUBAZiK pahražaje joj «adpaviednymi arhvysnovami».
Kanał HUBAZiKu dadaŭ taksama, što nasić taki abutak u hramadskich miescach zabaroniena. «Tamu taki tavar nieabchodna viarnuć u «Miehatop» i atrymać nazad vypłačanyja hrošy».
Kamientary
Voś da jakoha idyjatyzmu dajšło hiestapa łukaki.
Lenina i Dziaržynskaha na ich niama. Tyja b ŭsich hetych hubazikaŭcaŭ adpravili b na šybinu.