Na pačatku studzienia stała viadoma, što papularny biełaruski brend abutku Megatop zakryŭ usie svaje kramy ŭ Rasii. Ciapier pradstaŭniki kampanii prakamientavali heta rašeńnie Office Life i padzialilisia płanami na 2025 hod.
U Megatop patłumačyli, što sychod z rasijskaha rynku źviazany z novaj stratehijaj raźvićcia. Kampanija pačała pracavać u Rasii jašče ŭ 2016 hodzie — kramy adkrylisia ŭ Maskvie, Jarasłaŭli, Smalensku, Nižnim Noŭharadzie i inšych haradach. Ale praź siem hadoŭ vyrašyli: praciahvać nie maje sensu.
— My ŭśviadomili, što tyja vydatki, jakija my niasiem na raźvićcio hetych kramaŭ, niesuvymiernyja z addačaj, — adznačyli ŭ hrupie kampanij. — Rasijski rynak — heta zusim inšyja padychody da biznesu, inšy mientalitet pakupnikoŭ, inšaje bačańnie praduktovaj matrycy. Kab pracavać tam efiektyŭna, treba było stać rasijskaj kampanijaj va ŭsich sensach. A da takoj hłabalnaj transfarmacyi kamanda nie była hatovaja.
Ciapier Megatop skancentrujecca na raźvićci elektronnaj kamiercyi (brend užo ŭvachodzić u top-5 pradaŭcoŭ abutku na bujnych markietplejsach) i na ŭmacavańni pazicyj u Biełarusi.
U samoj kampanii adznačajuć: biełaruski rytejł «adčuvaje siabie dastatkova ŭpeŭniena». U 35 haradach krainy pracuje 79 kramaŭ. Da kanca hoda płanujecca adkryć jašče try, adna ź jakich stanie fłahmanskaj — jaje płošča składzie 600 kvadratnych mietraŭ.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary