Pieršyja ŭ Biełarusi darožnyja pakazalniki, nadrukavanyja na asfalcie, zrabili ŭ Breście.
Brest staŭ pieršym horadam krainy, dzie pratestavali novy sposab dapamohi haściam. Na prajeznaj častcy vulic źjaviłasia raźmietka, jakaja dapamoža turystam znachodzić šlach da samych znakavych miaścin i słavutaściaŭ padčas ruchu.
Jak paviedamili ŭ Bresckim harvykankamie, hety ekśpierymientalny prajekt pryznačany zrabić haradskuju navihacyju maksimalna zrazumiełaj i zručnaj. Zamiest zvyčajnych znakaŭ na słupach aryjenciry vyrašyli nanieści niepasredna na asfaltavaje pakryćcio.
Dla stvareńnia malunkaŭ kamunalniki vykarystali śpiecyjalny darožny pryntar «Stymohraf». Malunak nanosicca strukturnym sposabam z dapamohaj chałodnaha płastyku. Takaja technałohija harantuje, što pakazalniki buduć tryvałymi, ustojlivymi da ścirańnia kołami mašyn i zastanucca dobra bačnymi pry lubym nadvorji — jak u livień, tak i ŭ tuman.
Pieršyja niezvyčajnyja znaki na asfalcie ŭžo možna pabačyć u dźviuch ažyŭlenych kropkach abłasnoha centra. Ich nanieśli kala Steły ŭ rajonie paviljona sustrečy delehacyj, a taksama na skryžavańni vulicy Maskoŭskaj i Partyzanskaha praśpiekta. Na hetym pracy nie spyniacca — pryntar pojdzie pa ŭsim turystyčnym maršrucie, jaki ŭłady Bresta zahadzia ŭzhadnili z DAI.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy14
Kamientary
[Zredahavana]