«Prykiń, sistema!». Mužu Naści Tuman u Biełarusi za pieravyšeńnie chutkaści zabłakavali arendnuju mašynu
Rasijski błohier Saša Tuman i pa sumiaščalnaści muž aŭtabłohierki Naści Tuman padzialiŭsia historyjaj, jak heta — pieravyšać chutkaść u Biełarusi.
Błohier uziaŭ u arendu ŭ Minsku VW Tiguan, na jakim jechaŭ pa trasie, i ŭ niejki momant mašynu addalena zabłakavali.
«Pryjechaŭ u Biełaruś, uziaŭ u arendu mašynu i troški chutčej prajechaŭsia, čym tut možna i čym ukazana ŭ damovie», — kaža błohier i ŭdakładniaje, što pieravyšaŭ chutkaść tam, dzie niama kamier.
Taksama dla Sašy stała adkryćciom, što ŭ Biełarusi biez štrafu možna pieravyšać dazvolenuju chutkaść tolki na 10 km/h, a nie na 20 km/h, jak u Rasii.
U Biełarusi za chutkaściu sočać nie tolki kamiery
«Mašyna całkam zabłakavałasia, nie zavodzicca, chutkaści nie pieraklučajucca, prosta miortvym hruzam usio lažyć», — narakaje jon u videa.
Mužčyna źviazaŭsia sa słužbaj padtrymki, dzie paśla vyśviatleńnia, što za aŭto, i vychadu na suviaź z techničnaj słužbaj jamu skazali pačakać dziesiać chvilin i paśla pasprabavać zapuścić mator.
«Prykiń, jakaja tam u ich usio ž taki jość sistema», — kaža Tuman pry kancy videa.
U vyniku pieravysić chutkaść i tym samym sekanomić čas błohieru nie ŭdałosia. Na skrynšocie ź pierapiski z kampanijaj vidać, što ad momantu zvarotu da razbłakavańnia aŭto prajšło amal sorak chvilin.
Kamientary