Kniažacki dom Lichtenštejna 15 žniŭnia, u Dzień dziaržaŭnaha śviata krainy, abjaviŭ, što admianiaje vyklučna mužčynski paradak uspadkavańnia trona.
Ciapier tron Lichtenštejna budzie pierachodzić da pieršaha narodžanaha dziciaci niezaležna ad połu, a nie abaviazkova da starejšaha syna. Žančyny ź liku naščadkaŭ kniažackaha doma atrymlivajuć taksama roŭnyja z mužčynami pravy ŭdziełu ŭ pytańniach damovaha zakona.
Papraŭku pryniali nieabchodnaj bolšaściu ŭ dźvie traciny hałasoŭ usich pravamocnych členaŭ doma. Novy paradak dziejničaje tolki dla budučych naščadkaŭ naślednaha prynca Ałaiza i jaho žonki Safii — užo narodžanyja členy dynastyi pad jaho nie traplajuć.
Naśledny prync Ałaiz patłumačyŭ, što meta źmieny — kab i kniastvam, i domam kiravaŭ toj, chto najlepš padrychtavany da hetaj zadačy. Zvyčajna heta syny i dočki, jakija rastuć u Vaducy i ź dziacinstva znajomiacca sa spravami krainy.
Akramia paradku spadkajemnaści, abnoŭleny zakon utrymlivaje jurydyčnyja ŭdakładnieńni i pryviedzieny ŭ adpaviednaść z novym zakanadaŭstvam Lichtenštejna.
Niahledziačy na histaryčnaść rašeńnia, na ciapierašnich pradstaŭnikoŭ dynastyi jano nie paŭpłyvaje. Spadčyńnikam zastajecca starejšy syn Ałaisa i Safii — 31‑hadovy Jozaf Viencal Maksimilijan Maryja. Ich dačka, pryncesa Maryja Karalina (29 hadoŭ, u minułym hodzie vyjšła zamuž), kniahiniaj stać nie zmoža, bo novaja norma tyčycca tolki jašče nie narodžanaha pakaleńnia. Šviejcarskaje vydańnie Watson adznačaje, što kali jaje starejšy brat vyjdzie z čarhi na spadčynu, prava piarojdzie da małodšych bratoŭ, — takim čynam niaroŭnaść pamiž žančynami i mužčynami zachavajecca jašče na dva pakaleńni.
Kniaziem Lichtenštejna z 1989 hoda zastajecca Chans-Adam II, a z 2004 hoda bolšaść aficyjnych abaviazkaŭ vykonvaje jaho syn Ałais. Dynastyja pachodzić ź Nižniaj Aŭstryi i atrymała terytoryju sučasnaj dziaržavy kala 1700 hoda.
Nasielnictva Lichtenštejna — kala 40 tysiač čałaviek; kraina nie ŭvachodzić u ES, ale źjaŭlajecca častkaj Jeŭrapiejskaj ekanamičnaj prastory i Šenhienskaj zony.
Ci šmat u śviecie zastałosia kiraŭnikoŭ dziaržaŭ, jakija pryjšli da ŭłady raniej za Łukašenku?
Lichtenštejn staŭ achviaraj maštabnaj kibierataki
Samaja maleńkaja niezaležnaja respublika ŭ śviecie źmianiła nazvu
Karol Niderłandaŭ zapaliŭ na mundyjali: zaŭzieŭ suprać Šviecyi, a potym patančyŭ u raździavalni Kiurasaa
Karol Karł vyrašyŭ nie pierajazdžać u Bukinhiemski pałac paśla zaviaršeńnia ramontu
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma10
Kamientary
[Zredahavana]