«17 stabalnikaŭ u adnaho nastaŭnika». Viciebskaja himnazija pabiła rekord Lidy
Učora stali viadomyja vyniki CE pa ruskaj i biełaruskaj movach. Sam ispyt adbyŭsia 29 maja. Svaje viedy pravieryli amal 59 tysiač vučniaŭ. Ź ich 1426 nabrali maksimalnyja 100 bałaŭ. Vypuskniki niekatorych škoł pakazali asabliva vysokija vyniki.
Učora stała viadoma, što ŭ himnazii №1 horada Lidy adrazu 16 vučniaŭ atrymali 100 bałaŭ pa ruskaj movie. Usie jany vučylisia ŭ adnaho nastaŭnika — Taćciany Michajłaŭny Hłyzdovaj.
Siońnia z Onliner.by źviazalisia baćki vučniaŭ himnazii №2 horada Viciebska. Tut adrazu 17 vypusknikoŭ nabrali 100 bałaŭ na CE pa ruskaj movie. Ich nastaŭnica — Alena Kanstancinaŭna Maisiejeva.
U himnazii raskazali, što Alena Kanstancinaŭna — adzin ź viadučych fiłołahaŭ Biełarusi. Za hady pracy jana padrychtavała bolš za 20 pieramožcaŭ Respublikanskaj alimpijady, u tym liku i dvuch pryzioraŭ sioleta. U himnazii №2 horada Viciebska piedahoh pracuje z 1999 hoda. Jana maje zvańnie «Vydatnik adukacyi», a taksama katehoryju nastaŭnika-mietadysta.
— Alena Kanstancinaŭna — davoli strohi nastaŭnik, ale pry hetym, kali ja razmaŭlaju ź dziećmi, usie jany nazyvajuć jaje adnoj sa svaich lubimych vykładčyc. Dobra matyvavanaje dzicia zaŭsiody bačyć prafiesijanalizm nastaŭnika.
I razumieje: tak, u jaho jość patrabavańni da mianie, ale jany patrebnyja dla taho, kab dasiahnuć maksimalnaha vyniku, — adznačyŭ u razmovie z žurnalistam dyrektar himnazii Kanstancin Kisialoŭ.
Darečy, sama himnazija pa vynikach 2025 hoda pryznana najlepšaj ustanovaj siaredniaj adukacyi ŭ krainie i adzinaj, jakaja zavajavała hetaje zvańnie trojčy. Akramia taho, na praciahu apošnich siami hadoŭ himnazija źjaŭlajecca absalutnym lidaram alimpijadnaha ruchu ŭ Biełarusi.
Siaredni bał vypusknikoŭ na CE sioleta skłaŭ 93.
Što datyčycca samoha ekzamienu pa ruskaj movie, piedahohi pahadžajucca ŭ mierkavańni, što sioleta test byŭ krychu praściejšy, čym u papiarednija hady. Siaredni bał pa respublicy skłaŭ 66,16. Dla paraŭnańnia: letaś jon byŭ 62,62. Značna pavialičyłasia i kolkaść stabalnikaŭ pa pradmiecie — 1301 suprać 715 hod tamu.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ7
Kamientary