Biełaruskuju doktarku zvolnili z pracy ŭ Vialikabrytanii. Jana nie razumieła zvyčku brytancaŭ abmiarkoŭvać ź joj nadvorje
Doktarka ź Biełarusi Maryna Anatoljeva, jakaja pracavała ŭ sistemie achovy zdaroŭja Vialikabrytanii (NHS), prajhrała sudovy pazoŭ ab nibyta niezakonnym zvalnieńni na sumu 100 tysiač funtaŭ sterlinhaŭ. Sud pryjšoŭ da vysnovy, što žančynu zvolnili arhumientavana, praź niedastatkovy ŭzrovień prafiesijnych kamunikatyŭnych navykaŭ, paviedamlaje The Independent.
47‑hadovaja Anatoljeva prachodziła paśladypłomnuju padrychtoŭku pa śpiecyjalnaści «aniestezijałohija» ŭ balnicy Sient-Chielens i Knoŭśli (hrafstva Miersisajd) u pieryjad z 2018 pa 2022 hady.
Padčas razhladu spravy žančyna pryznała, što padčas pracy joj było ciažka padtrymlivać niazmušanyja razmovy i što jana nie razumieła zvyčki brytancaŭ časta abmiarkoŭvać nadvorje, adznačyŭšy, što ŭ Biełarusi takija razmovy byli mienš raspaŭsiudžanymi.
Raniej Anatoljeva śćviardžała, što sutyknułasia ź mienš pryjaznym da siabie staŭleńniem praz svajo pachodžańnie, ruskamoŭnaść i «niejraraznastajnaść», adnak hetyja arhumienty byli adchilenyja sudom.
Padčas navučańnia biełaruski kiraŭniki i kalehi nieadnarazova adznačali nieabchodnaść palapšeńnia jaje navykaŭ kamunikacyi, lidarstva i pracy ŭ kamandzie. Narešcie ŭ 2022 hodzie joj paviedamili, što pry adsutnaści prahresu jana moža być adličanaja z prahramy, a ŭ kastryčniku taho ž hoda jaje sapraŭdy vyklučyli z navučańnia.
Sud adznačyŭ, što ŭ pracy aniestezijołaha, asabliva va ŭmovach ekstrannaj i chirurhičnaj dapamohi, važnaje značeńnie majuć nie tolki techničnyja viedy, ale i ŭmieńnie efiektyŭna ŭzajemadziejničać z kalehami, kiravać pracaj kamandy i pravilna aceńvać situacyju.
Maryna Anatoljeva zajaŭlała taksama, što jaje kiraŭnica nibyta namiaknuła, nibyta praca kansultantam nie padychodzić joj jak maci-adzinočcy i čałavieku ź inšaha kulturnaha asiarodździa. Kiraŭnica, adnak, heta admaŭlała, i sud paličyŭ jaje pakazańni bolš pierakanaŭčymi, čym śćviardžeńni biełaruski
U vyniku sud pryznaŭ zvalnieńnie Maryny Anatoljevaj zakonnym i adchiliŭ usie patrabavańni biełaruski.
Biełarusku ŭ Polščy spačatku pahadzilisia ŭziać na pracu, a potym admovilisia — praz toje, što ŭ Biełarusi na jaje zaviedziena kryminałka
U Biełarusi dystancyjnika chacieli zvolnić, bo jon try hadziny nie byŭ na suviazi. Čym usio skončyłasia
Z ekanamistaŭ — u miedsiostry i zubnyja techniki. Jak biełarusy inšych prafiesij pieravučvajucca na miedykaŭ
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy19
Kamientary
V Biełarusi žie otnošienije k obŝieniju na rabotie sovsiem druhoje: u nas cienitsia priamota, konkrietika i razdielenije ličnoho i profieśsionalnoho — prišieł, sdiełał svoje dieło, ušieł. To, čto dla biełorusskoho vrača kažietsia jestiestviennoj rabočiej sdieržannosťju, britanskije kollehi mohli sčiesť vysokomierijem, chołodnosťju ili otsutstvijem komandnoho ducha. Očień žal, čto profieśsionalnyje kačiestva ušli na vtoroj płan iz-za banalnoho niesovpadienija kulturnych privyčiek