Svajaki machlaroŭ zapisali zvarot da Łukašenki. Kažuć, što tyja — zvyčajnyja biznesmieny, prosta skuplali techniku za kapiejki

Videazvarot da Łukašenki źjaviŭsia ŭ tyktoku. Ludzi ŭ kadry kažuć, što źjaŭlajucca svajakami 13 asudžanych pa spravie «chutkich pazyk».

Jany raspaviadajuć, što sioleta viasnoj u sudzie Centralnaha rajonu Homiela asudzili trynaccać maładych ludziej (adzinaccać ź ich ciapier znachodziacca pad vartaj). Usich ich pryznali vinavatymi pa 4 častcy artykułu 209 (machlarstva, ździejśnienaje hrupaj asob abo ŭ asabliva bujnym pamiery). Mahčymaje pakarańnie pa hetym artykule — ad 3 da 10 hadoŭ.

Pavialičyć

Svajaki davoli tumanna tłumačać, čamu ich blizkija apynulisia za kratami. Kažuć, što niama ŭ tym, što ludzi rabili, składu złačynstva. Maŭlaŭ, pracavali jak zvyčajnyja pradprymalniki.

Mužčyna ŭ kadry kaža:

— Abvinavačańnie našych rodnych stvorana štučna. Nivodny z 238 klijentaŭ, pryznanych paciarpiełymi, nie źviartaŭsia z zajavaj u pravaachoŭnyja orhany albo z pretenzijaj da pradprymalnika. Ich vyklikali supracoŭniki HUBAZiK i SK, prymušali pisać zajavy. Mnohim pahražali, što inakš jany buduć saŭdzielnikami. Pakazańni paciarpiełych zapisvalisia nie ź ich słoŭ, pra što mnohija ź ich adkryta skazali ŭ sudzie. Ukazvali na cisk z boku śledstva, pakazańni paciarpiełych napisany ŭsie pad kapirku: adnolkavyja frazy, adnolkavyja vysnovy. Chacia jak 238 čałaviek, nieznajomych adzin z adnym, mahli davać adnolkavyja pakazańni?

Pavialičyć

Jon ža dadaje, što nivodny z paciarpiełych nie zajaviŭ, što jamu nie była vypłačana zahadzia abumoŭlenaja suma. Kaža, paciarpiełyja ŭ sudzie paćvierdzili, što ŭmovy ździełki byli vykanany. Ale sud paličyŭ, što ludziej padmanuli.

Druhi mužčyna tłumačyć: ich svajakoŭ asudzili za toje, što jany praz padman zabrali čužuju majomaść. Ź jaho słoŭ užo možna krychu zrazumieć, ab čym idzie havorka.

Pavialičyć

Kali kazać koratka, to hetaja schiema staraja jak śviet. Ludzi zajmalisia mikrapazykami. Čałavieku prapanoŭvali aformić na siabie ŭ kredyt ci rasterminoŭku niejkuju techniku ŭ kramie. A kali toj atrymlivaŭ u ruki pakupku, jaje vykupali pa značna zanižanym košcie. Paśla pierapradavali hadžet užo za narmalnyja hrošy.

Z adnaho boku, čałaviek chutka atrymlivaŭ hrošy, ź inšaha — potym byŭ vymušany miesiacami (a to i hadami) vypłačvać toj kredyt pa vysokaj staŭcy.

Pavialičyć

Svajaki kažuć, što nie bačać u hetym machlarstva. Śćviardžajuć, što nijakaha padmanu nie było, a ich rodnyja sumlenna tłumačyli ŭsie niuansy ździełki — nu a inšyja ž darosłyja ludzi, jakija samastojna prymali rašeńni, pasuje im schiema ci nie.

Arhumient taki: ludzi sami afarmlali kredyt ci rasterminoŭku. Umovy pahašeńnia pavinny byli rastłumačyć u kramie. Dyk, maŭlaŭ, jakija pytańni da tych, chto nie maje nijakaha dačynieńnia da damovy na tyja kredyty dy rasterminoŭki?

— Jany prosta potym vykupali techniku pa kankretnaj canie, jakuju ahavorvali zahadzia, hrošy addavali adrazu. Pry hetym piśmova afarmlali kuplu-prodaž.

Pavialičyć

Nasamreč, sprava «chutkich pazyk» była rezanansnaj — «Homielskaja praŭda» pisała pra siamiejny padrad. Arhanizatar z Homiela padkazaŭ žoncy-buchhałtarcy ideju, jak možna chucieńka zarabić. A potym jašče znajšoŭ supracoŭnikaŭ u rehijonach.

Metavaj aŭdytoryjaj machlaroŭ-biznesoŭcaŭ byli piensijaniery, biespracoŭnyja, studenty — słovam tyja, kamu terminova patrebna choć kolki hrošaj.

Rekłamnyja ŭlotki rasklejvali pa ŭsioj krainie, a na sajcie pradprymalnikaŭ visieli łahatypy viadomych bankaŭ. Pracavali prosta: źbirali zajaŭki, mieniedžary pa telefonie pryznačali sustrečy ŭ handlovych centrach. Užo na miescy chucieńka ludziej uhavorvali ŭziać u rasterminoŭku niejkuju darahuju techniku. Jaje machlary vykupali za pałovu koštu. Potym hadžety pradavali pa abjavach i dzialili prybytak.

Adznačajecca, što achviary praz pačućcio viny redka źviartalisia ŭ milicyju.

Naličany ahulny košt škody — 875 tysiač rubloŭ. Kala pałovy było spłačana jašče da suda.

Pavialičyć

Fihurantam spravy pryznačyli terminy ad 3 da 8 hadoŭ kałonii. Taksama jany pavinny vypłacić štraf — ad 100 da 400 bazavych vieličyń, heta značyć ad 4500 da 18000 rubloŭ.

Svajaki ž kažuć, što heta ŭsio niespraviadliva.

— Śledstva i sudovy praces supravadžalisia biesprecedentnym ciskam i žorstkaściu. Padčas pasiadžeńniaŭ suda było zajaŭlena ab niedazvolenych mietadach śledstva, pahrozach i hvałcie nad našymi rodnymi na etapie śledstva. Bolš za toje, fakty fizičnaha hvałtu z boku supracoŭnikaŭ milicyi, jakija ažyćciaŭlali kanvairavańnie, adbyvalisia prosta ŭ pierapynkach pamiž sudovymi pasiadžeńniami.

Mužčyna kaža, što svajaki prasili vyklikać chutkuju dapamohu ŭ sud, adreahavać na parušeńni, ale sud i pradstaŭnik prakuratury praihnaravali heta.

@sasha.ch81

Obraŝienije k priezidientu Riespubliki Biełaruś

♬ orihinalnyj zvuk - sasha ch

Žančyna ŭ kadry cytuje Łukašenku: toj kazaŭ pra niedapuščalnaść falsifikacyi materyjałaŭ kryminalnych spraŭ i cisku na abvinavačanych.

— Prosim vas uziać pad asabisty kantrol razhlad hetaj spravy z metaj zabiaśpiečyć zakonny, abjektyŭny i spraviadlivy razhlad spravy ŭ sudzie apielacyjnaj instancyi. My vielmi spadziajomsia na vašu ŭvahu da hetaj prablemy. I što vy nie dapuścicie parušeńnia zakonnaści i spraviadlivaści ŭ našaj cudoŭnaj krainie. Chočacca vieryć, što hety vypadak źjaŭlajecca vyklučeńniem z ahulnaj praktyki pravaachoŭnaj sistemy našaj dziaržavy.

Mienš čym za sutki videa nabrała kala paŭmiljona prahladaŭ u tyktoku. Mierkavańni kamientataraŭ padzialilisia: adny škadujuć svajakoŭ, druhija ličać, što ŭsio zroblena słušna, trecija narakajuć na toje, što zakona ŭ krainie daŭno niama.

• 0
• 0
• 9
• 18
• 1
• 0
• 0
• 0