Ukraina pravodzić pieramovy ź Biełaruśsiu adnosna abmienu Iny Kardaš
Siońnia ŭ Kijevie razhladali apielacyju biełaruskaj žurnalistki Iny Kardaš, padadzienuju adnosna jaje aryštu pa padazreńni ŭ špijanažy na karyść biełaruskich śpiecsłužbaŭ. Paśla zatrymańnia Šaŭčenkaŭski rajonny sud Kijeva aryštavaŭ Kardaš, ale abarona žančyny chacieła, kab jaje vyzvalili. Pra padrabiaznaści sudovaha razhladu paviedamiła vydańnie «Suśpilnie».
Advakatka Kardaš Kaciaryna Jusupava padała apielacyju, padkreślivajučy, što jaje padazravanaja zamužam, maje kvateru i nie źbirajecca ŭciakać. Jusupava taksama adznačyła, što padadzienyja śledstvam dakumienty nie dakazvajuć ździajśnieńnia złačynstva, i što Kardaš rastłumačyła sutnaść svaich kantaktaŭ dy kamunikacyj, jakija joj prypisvajucca jak špijanaž.
Kardaš udzielničała ŭ pasiedžańni praź videasuviaź ź SIZA, jaje było kiepska čuvać. Žančyna skazała, što nie źbirajecca ŭciakać, a ŭ jaje pašparcie niama viz, kab pakinuć krainu.
U toj ža čas prakuror nastojvaŭ na ŭtrymańni pad vartaj, spasyłajučysia na zapisy prasłuchoŭvańnia i ekśpiertyzy, jakija paćviardžajuć pieradaču sakretnych dakumientaŭ kurataram. Jon adznačyŭ, što ŭ Kardaš niama stałych suviaziaŭ va Ukrainie: jana była zvolniena z HUR, nie maje dziaciej i maje tolki muža, jakoha, pavodle materyjałaŭ śledstva, taksama sprabavała zavierbavać.
Raniej Słužba biaśpieki Ukrainy apublikavała videa, na jakim Kardaš nibyta sprabavała zavierbavać mužčynu, adnak dakładna jaho asobu nie ŭdałosia vyznačyć. Pa infarmacyi ŚMI, hety čałaviek moža być dobraachvotnikam, jakoha jana sprabavała pryciahnuć da supracoŭnictva.
Prokuror taksama paviedamiŭ, što ciapier «užyvajucca miery adnosna jaje [Kardaš. — Red.] abmienu ź biełaruskim bokam», adnak kankretnych źviestak pra zhodu na heta Biełarusi niama, a praces kamunikacyi praciahvajecca.
Paśla zasłuchoŭvańnia bakoŭ kalehija sudździaŭ adchiliła apielacyju abarony i pakinuła Kardaš pad vartaj. Padčas pierapynku Kardaš admoviłasia davać kamientary presie praź videasuviaź.
U vyniku abvinavačanaja ŭ špijanažy žurnalistka zastajecca ŭ SIZA.
Pracavała z KDB praź inšaha biełarusa i ŭžo słužyła ŭ Minabarony Ukrainy. Novyja detali ŭ spravie Iny Kardaš
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
KDB pačaŭ karjeru Kardaš, padsunuŭšy jaje ŭ Minsku 55‑hadovamu huru ŭkrainskaj žurnalistyki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
InformNapalm prosić HUR abmianiać zatrymanuju za špijanaž Kardaš na žurnalista Dzianisa Ivašyna
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
Kamientary