InformNapalm prosić HUR abmianiać zatrymanuju za špijanaž Kardaš na žurnalista Dzianisa Ivašyna
Mižnarodnaja vałanciorskaja supolnaść InformNapalm vystupiła ź inicyjatyvaj abmienu: jany prapanujuć pieradać Minsku zatrymanuju za špijanaž Inu Kardaš u abmien na vyzvaleńnie palitviaźnia Dzianisa Ivašyna.
Adpaviedny zvarot nakiravany ŭ Hałoŭnaje ŭpraŭleńnie raźviedki MA Ukrainy i inšyja struktury, jakija zajmajucca pytańniami abmienu pałonnych.
«Kali hetuju biełaruskuju špijonku płanujuć abmianiać, my prosim razhledzieć varyjant jaje abmienu na žurnalista Dzianisa Ivašyna. Nahadvajem, što z 2021 hoda ŭ pałonie režymu Łukašenki znachodzicca hałoŭny redaktar biełaruskaj redakcyi InformNapalm Dzianis Ivašyn, asudžany da 13 hadoŭ kałonii ŭzmocnienaha režymu za žurnalisckija publikacyi pra byłych supracoŭnikaŭ «Bierkuta», jakija pierajšli na słužbu da Łukašenki», — napisaŭ zasnavalnik vałanciorskaj supolnaści InformNapalm i hałoŭny redaktar Raman Burko.
Infarmacyja pra zatrymańnie Iny Kardaš u Kijevie źjaviłasia 27 studzienia. Ukrainskija śpiecsłužby zajavili, što žurnalistka zajmałasia špijanažam na karyść biełaruskich uład jašče z 2015 hoda.
Dzianis Ivašyn, były kiraŭnik biełaruskaj redakcyi InformNapalm, znachodzicca za kratami z sakavika 2021 hoda. Jaho asudzili da 13 hadoŭ i 1 miesiaca kałonii pavodle abvinavačańnia ŭ «zdradzie dziaržavie».
Kamientary
Dzianisa Ivašyna , Andreja Pačobuta i Mikałaja Aútuchoviča