Pasažyrski ciahnik №605 Połack — Brest idzie sa spaźnieńniem praz načny incydent, papiaredziła Biełaruskaja čyhunka.
Čyhunačny sastaŭ pavinien byŭ prybyć u Brest ranicaj kala 9:28, adnak spaźnicca prykładna na hadzinu, paviedamiła presavaja słužba.
Ciahnik adpraviŭsia napiaredadni z Połacka ŭ 17:16.
«U 23 hadziny 18 chvilin na pierahonie Barsuki — Bychaŭ adbyłosia sutyknieńnie ź dzikaj žyviołaj pasažyrskaha ciahnika №605 Połack — Brest», — havorycca ŭ paviedamleńni BČ.
Pra jakuju mienavita dzikuju žyviołu idzie havorka, nie ŭdakładniajecca.
Siarod pasažyraŭ paciarpiełych niama, padkreślili ŭ BČ.
Paśla incydenta sastaŭ prastajaŭ na pierahonie amal hadzinu i idzie amal z hadzinnaj zatrymkaj.
Kamientary