Polšča rychtuje pazoŭ ab reparacyjach da Rasii za saviecki pieryjad
Rasśledavańnie histaryčnych złačynstvaŭ Rasii viadziecca pa daručeńni premjer-ministra Donalda Tuska.
Polšča rychtuje patrabavańnie reparacyj da Rasiei za złačynstvy, učynienyja ŭ pieryjad savieckaha ŭpłyvu, pavodle anałohii z patrabavańniem €1,3 trłn kampiensacyi ad Hiermanii za złačynstvy Druhoj suśvietnaj vajny, piša Financial Times. Rasśledavańnie histaryčnych złačynstvaŭ Rasii viadziecca pa daručeńni premjer-ministra Donalda Tuska.
Dyrektar Instytuta vajskovych strat imia Jana Karskaha Bartaš Hondek zajaviŭ, što rasśledavańnie ŭ dačynieńni da Rasiei budzie «bolš maštabnym», čym praca pa Hiermanii pakolki SSSR kantralavaŭ Polšču na 40 hadoŭ daŭžej.
Hondek adznačyŭ, što ŭ kamandy historykaŭ bolš ciažkaściaŭ z rasśledavańniem savieckaha pieryjadu — polskija historyki nie majuć dostupu da sakretnych rasijskich archivaŭ, a mnohija dakumienty byli falsifikavanyja abo źniščanyja ŭ saviecki čas.
Deputat Jeŭraparłamienta ad pravaj apazicyjnaj polskaj partyi «Prava i spraviadlivaść» (PiS) Arkadyjuš Mułarčyk, jaki inicyjavaŭ patrabavańni da Hiermanii ŭ 2022 hodzie, zajaviŭ, što jahonaja partyja zaŭsiody płanavała vyłučyć patrabavańni da Rasii paźniej.
Adnak jon abvinavaciŭ Tuska ŭ tym, što toj «cynična zdabyvaje palityčnuju vyhadu», patrabujučy reparacyi ad Rasiei, kab adciahnuć uvahu ad stahnacyi ŭ pieramovach ź Bierlinam.
Kamientary