ZŠA paskoryli pierakidku desantnych karabloŭ i tysiač marskich piechacincaŭ dla mahčymaj vysadki ŭ Iranie
Ahulnaja kolkaść moža skłaści kala 8 tysiač vajskoŭcaŭ, ź jakich da 5 tysiač — marskija piechacincy.
ZŠA vyrašyli paskoryć pierakidku desantnych karabloŭ i tysiač marskich piechacincaŭ na Blizki Uschod na fonie praciahłaj vajennaj apieracyi suprać Irana, paviedamili NBC i Newsmax sa spasyłkaj na infarmavanyja krynicy.
Pavodle ich słoŭ, 11‑y ekśpiedycyjny korpus marskoj piachoty (MEU), jaki naličvaje nie mienš za 2,2 tys. marskich piechacincaŭ, adpravicca z San-Dyjeha raniej zapłanavanaha terminu — užo ŭ bližejšyja dni. Vajskoŭcy buduć raźmieščany na borcie desantnaha karabla USS Boxer.
Razam ź im da bierahoŭ Irana nakirujucca jašče dva desantnyja transpartnyja karabli — USS Portland i USS Comstock. Jany pavinny dastavić da miesca pryznačeńnia źniščalniki F-35, rakiety i techniku dla vysadki desantu na sušy.
Čakajecca, što fłatylija projdzie praź Inda-Cichaakijanski rehijon da Blizkaha Uschodu, dzie złučycca z desantnym karablom USS Tripoli. Paźniej da apieracyi dałučycca krejsier USS New Orleans i karabiel-dok USS Rushmore.
U vyniku ahulnaja kolkaść asabovaha składu, jaki budzie pierakinuty ŭ zonu kanfliktu, moža skłaści kala 8 tysiač vajskoŭcaŭ, ź jakich da 5 tysiač — marskija piechacincy.
Raniej pra toje, što administracyja prezidenta ZŠA razhladaje mahčymaść adpraŭki na Blizki Uschod dadatkovych vojskaŭ dla naziemnaj apieracyi suprać Irana, paviedamlali krynicy Reuters. Siarod varyjantaŭ, što abmiarkoŭvajucca: vysadka desantu na ŭźbiarežžy Armuzskaha praliva dla zabieśpiačeńnia biaśpiečnaha prachodu tankieraŭ, adpraŭka suchaputnych padraździaleńniaŭ na vostraŭ Chark, praź jaki prachodzić da 90% iranskaha naftavaha ekspartu, a taksama zachop najaŭnych u Irana zapasaŭ vysokaŭzbahačanaha ŭranu.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary