Raźviedka ZŠA: Pucin upeŭnieny, što pieramahaje va Ukrainie i moža vajavać z NATA
Pavodle acenak amierykanskaj raźviedki, prezident Rasii Uładzimir Pucin ličyć, što Rasija pastupova prasoŭvajecca va Ukrainie i ŭ vyniku zmoža pieramahčy. Tamu jon nie bačyć nieabchodnaści spyniać vajnu i raźličvaje damahčysia mirnaha pahadnieńnia na svaich umovach, piša The Moscow Times.
Razam z tym analityki papiaredžvajuć, što praciah bajavych dziejańniaŭ moža pryvieści da značna bolš niebiaśpiečnaha raźvićcia padziej — až da pramoha kanfliktu z NATA i navat pahrozy dla Złučanych Štataŭ Amieryki. Choć tempy nastupu rasijskaj armii ŭ minułym hodzie byli vielmi nizkija, jana ŭsio ž zachoŭvaje peŭnuju pieravahu i praciahvaje zajmać novyja terytoryi, što ŭmacoŭvaje ŭpeŭnienaść Maskvy.
Raźviedka ličyć, što kanflikt moža pieraraści ŭ niebiaśpiečnuju «śpiral eskałacyi», u tym liku z užyvańniem jadziernaj zbroi. Pahrozu ŭzmacniajuć zajavy Rasii pra mahčymaść jaje vykarystańnia i prymianieńnie rakiet siaredniaj dalokaści, što robić rehijanalny kanflikt patencyjna hłabalnym.
Taksama padkreślivajecca ryzyka pašyreńnia vajny na Jeŭropu. Praciah kanfliktu pavialičvaje vierahodnaść jak vypadkovaj, tak i naŭmysnaj eskałacyi pamiž Rasijaj i siłami NATA. U jakaści prykładu pryvodziacca dyviersii, jakija Maskva moža arhanizoŭvać suprać zachodnich krain, kab pasłabić ich padtrymku Ukrainy. Takija dziejańni mohuć pryvieści da čałaviečych achviar, ekanamičnych strat i pierabojaŭ u pastaŭkach zbroi.
Jašče adzin važny faktar — padtrymka Rasii z boku Kitaja. Dziakujučy pastaŭkam technałohij i tavaraŭ dvajnoha pryznačeńnia Maskva moža praciahvać vytvorčaść uzbrajeńniaŭ. Adnak heta robić rasijskuju ekanomiku ŭsio bolš zaležnaj ad Kitaja i pavialičvaje ryzyku jaje doŭhaterminovaj stahnacyi.
Adstavańnie Rasii ŭžo prykmietnaje ŭ kaśmičnaj śfiery, dzie Kitaj apiaredziŭ jaje jak hałoŭny kankurent ZŠA. Pry hetym Rasija aktyŭna ŭkładaje srodki ŭ raspracoŭku kaśmičnaj zbroi, u tym liku spadarožnikaŭ z mahčymaściu vykarystańnia jadziernaha zaradu suprać inšych spadarožnikaŭ. Takoje ŭzbrajeńnie moža nanieści škodu biaśpiecy ŭsich krain i supiarečyć mižnarodnym damoŭlenaściam.
Paśla taho jak stali zabivać iranskich kiraŭnikoŭ, Pucin amal nie źjaŭlajecca ŭ Kramli
Z-błohiera, jaki niečakana zaklikaŭ addać Pucina pad sud, adpravili ŭ psichušku
«Moža chopić vatu kačać?» «Biełorusskij siłovik» atakuje «partyju miru» ŭ kiraŭnictvie Rasii
«Idzicie nach*j». U Kramli niecenzurna adkazali na prapanovu Francyi dałučyć ES da mirnych pieramoŭ
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary