Kaciaryna znachodziłasia za kratami z 2020 hoda — kali pajšła aśviatlać Marš pamiaci zabitaha Ramana Bandarenki. Jaje samaachviarny muž Ihar Iljaš admaŭlaŭsia źjazdžać ź Biełarusi, pakul žonka za kratami. Ciapier za kratami jon sam.
U liku palitviaźniaŭ, vyzvalenych u dzień pryjezdu ŭ Biełaruś čarhovaj amierykanskaj delehacyi, akazałasia žurnalistka Kaciaryna Andrejeva.
Kaciarynu Andrejevu (pa pašparcie Bachvałava) aryštavali ŭ listapadzie 2020 hoda. Jana nie viarnułasia dadomu z Płoščy Pieramienaŭ, adkul viała dla «Biełsata» žyvy efir. Andrejevu i apieratarku Darju Čulcovu puścili da siabie na bałkon žychary doma, adnak siłaviki ŭziali šturmam kvateru. Na dziaŭčat zaviali kryminalnuju spravu i prysudzili pa 2 hady źniavoleńnia za «ŭdzieł» u pratestach.
Adnak kali Darja Čulcova vyjšła pa skančeńni terminu, to na Kaciarynu Andrejevu zaviali novuju kryminałku — za «zdradu dziaržavie». Ahułam žurnalistka atrymała 8 hadoŭ i 3 miesiacy źniavoleńnia.
Tym časam Kaciarynu doma čakaŭ muž Ihar Iljaš, jon taksama žurnalist. Ihara zatrymali ŭ lipieni 2021 hoda, adnak praz 10 sutak Akreścina adpuścili i pakinuli ŭ statusie padazravanaha pa spravie ab nibyta ŭdziele ŭ pratestach.
Ihar Iljaš vyrašyŭ zastavacca ŭ Biełarusi, kab mieć bolš mahčymaściaŭ padtrymlivać Kaciarynu i pryjazdžać da jaje na spatkańni. Jon spyniŭ publičnuju žurnalisckuju pracu.
U kastryčniku 2024 hoda stała viadoma, što Ihar znoŭ zatrymany. Jaho aryštavali za intervju niezaležnym miedyja pra Kaciarynu — heta «sadziejničańnie ekstremisckaj dziejnaści», a taksama za padrychtavanyja analityčnyja spravazdačy — heta «dyskredytacyja Biełarusi».
Iharu Iljašu ŭ vieraśni 2025 hoda prysudzili čatyry hady pazbaŭleńnia voli.
Kaciaryna Andrejeva (Bachvałava) naradziłasia ŭ 1993 hodzie. Paśla škoły pastupiła ŭ MDŁU, ale na trecim kursie źjechała vałanciorkaj u Ispaniju, dzie praviała dva hady. Paśla viartańnia na radzimu vyrašyła praciahnuć siamiejnuju dynastyju i zaniacca žurnalistykaj. Jaje dziadula — viadomy žurnalist Siarhiej Vahanaŭ. Pracavała na «Radyjo Svaboda», na «Biełsacie».
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary