Aryštavanych pa spravie kniharoŭ pieraviali ŭ SIZA KDB. Siarod ich i dačka adnaho sa schoplenych
Miarkujučy pa najaŭnaj infarmacyi, źniavolenyja nie tolki Źmicier Kołas, Aleś Jaŭdacha i Vacłaŭ Bahdanovič, ale i dačka Bahdanoviča Viktoryja. Jaje byli vyzvalili, a paśla znoŭ zatrymali.
U śledčy izalatar Kamiteta dziaržaŭnaj biaśpieki pieraviedzienyja aryštavanyja knihavydaŭcy i kniharaspaŭsiudniki.
Siarod ich Źmicier Kołas, Vacłaŭ Bahdanovič, Aleś Jaŭdacha, a taksama Viktoryja Bahdanovič, dačka Vacłava. Jaje byli adpuścili, a paśla paŭtorna zatrymali.
Nahadajem, što 3 sakavika «ekstremisckim farmavańniem» pryznali «kaalicyju drukavanych vydaviectvaŭ «Fond Kamunikat.org», «Lohvinau Publishing House», «Andrei Yanushkevich Publishing». Adpaviednaje rašeńnie pryniaŭ Kamitet dziaržaŭnaj biaśpieki.
Hetaje rašeńnie stała praciaham masavych zatrymańniaŭ vydaŭcoŭ i kniharaspaŭsiudnikaŭ u Minsku, jakija adbylisia ŭ lutym. Usich zatrymanych spačatku adpravili na sutki pa administratyŭnych pratakołach, składzienych, jak zvyčajna ciapier, z nadumanych padstaŭ.
U śpisie ludziej, jakich ułady ličać źviazanymi z hetaj «kaalicyjaj», — viadomyja ŭ knižnym asiarodździ imiony: Źmicier Kołas, Vacłaŭ Bahdanovič, Aleś Jaŭdacha (jany znachodziacca ŭ Biełarusi), a taksama Jarasłaŭ Ivaniuk (biełarus z Padlašša, hramadzianin Polščy), Ihar Łohvinaŭ i Andrej Januškievič (hramadzianie Biełarusi, vyjechali za miažu paśla 2021 hoda). Taksama ŭ pieralik uklučyli sajty i sacyjalnyja sietki vydaviectvaŭ.
Aryštavali ŭsich tych, kaho adnieśli da dziejnaści kaalicyi i chto znachodziŭsia ŭ Biełarusi.
Ludzi, jakich zahrabli pavodle hetaj spravy, vielmi roznyja: adzin hienijalny pierakładčyk, druhi knihanoša z «Biełaha lehijona», a treci kłasičny biznesoviec.
Łukašenka niervova prakamientavaŭ vizit Cichanoŭskaj u Kijeŭ45
Kamientary
Na fonie pieriehovorov ob osvoboždienii, diemonstrativno sadiat novych.