U Jeŭropie pryznali terarystami iranskich vartavych isłamskaj revalucyi
Jeŭrapiejski sajuz aficyjna pryznaŭ iranski Korpus vartavych isłamskaj revalucyi (KVIR) terarystyčnaj arhanizacyjaj. Takoje rašeńnie pryniała Rada ministraŭ zamiežnych spraŭ ES u adkaz na žorstkaje padaŭleńnie masavych pratestaŭ u Iranie, padčas jakich byli zabityja tysiačy ludziej.
Adnačasova Jeŭrasajuz uvioŭ sankcyi suprać 19 hramadzian Irana i 12 arhanizacyj i kampanij. Ź ich 15 čałaviek i šeść firmaŭ pakaranyja za ŭdzieł u zadušeńni pratestaŭ, a astatnija — za dapamohu Rasii ŭ vajnie suprać Ukrainy.
Kiraŭnica jeŭrapiejskaj dypłamatyi Kaja Kałas zajaviła, što represii nie mohuć zastavacca biez nastupstvaŭ. Pavodle jaje słoŭ, režym, jaki zabivaje ŭłasnych hramadzian, niepaźbiežna idzie da samarazbureńnia. Asnoŭnaj pryčynaj uklučeńnia KVIR u śpis terarystyčnych arhanizacyj stała mienavita žorstkaje padaŭleńnie pratestaŭ, što pryviało da masavych achviar.
Hetaje rašeńnie stanoŭča acanili ŭ Izraili. Ministr zamiežnych spraŭ Izraila Hideon Saar adznačyŭ, što taki krok istotna ŭdaryć pa dziejnaści KVIR u Jeŭropie, naniasie jamu ekanamičnuju škodu i stanie važnym sihnałam dla irancaŭ, jakija zmahajucca za svaju svabodu.
Masavyja pratesty ŭ Iranie pačalisia 28 śniežnia 2025 hoda i raspaŭsiudzilisia pa ŭsich pravincyjach krainy. Spačatku ludzi vychodzili z-za ekanamičnaha kryzisu, ale ź ciaham času pratesty nabyli palityčny charaktar — z łozunhami suprać ułady i zaklikami da adnaŭleńnia manarchii.
Pavodle źviestak pravaabaroncaŭ, u vyniku zadušeńnia pratestaŭ zahinuli nie mienš za 5848 čałaviek. Bolšaść ź ich byli ŭdzielnikami akcyj, siarod zahinułych taksama dziasiatki dziaciej. Tysiačy ludziej atrymali ciažkija ranieńni, a bolš za 41 tysiaču čałaviek zatrymali.
19‑hadovuju influensierku zastrelili padčas pratestaŭ u Iranie
«Čas zakančvajecca». Tramp pahražaje Iranu novymi ŭdarami
«Va ŭsich siarod znajomych jość zahinułyja». Udzielniki akcyj pratestu ŭ Iranie raskazali, jak usio było
Ułady Irana nazvali žachlivuju ličbu zabitych na pratestach
Amierykanski avijanosiec «Aŭraam Linkaln» prybyŭ na Blizki Uschod na fonie iranskaha kryzisu
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary