Premjer Litvy: Tema adnaŭleńnia tranzitu biełaruskich uhnajeńniaŭ štučna nahniatajecca
Adnaŭleńnie tranzitu biełaruskich kalijnych uhnajeńniaŭ i mahčymy cisk z boku administracyi ZŠA z metaj znoŭ dazvolić ich pravoz praź Litvu — heta tema, jakaja štučna nahniatajecca, zajaŭlaje premjer-ministr Inha Ruhinienie, piša LRT.
«My nahniatajem mnostva pytańniaŭ, jakija, mahčyma, uvohule nie varta było b nahniatać. Adno z takich — tranzit uhnajeńniaŭ ź Biełarusi», — skazała Ruhinienie ŭ čaćvier.
«Nikoli ni ŭ kułuarach, ni ŭ mižnarodnaj prastory hetaja tema nie ŭzdymałasia i nie abmiarkoŭvałasia. Padčas majho supracoŭnictva i pracy z amierykancami my abmiarkoŭvali šmat pytańniaŭ, ale nikoli, nikoli nie havaryli (pra tranzit uhnajeńniaŭ), nijakaha zapytu ź ich boku nie było», — rastłumačyła premjer.
U śniežni minułaha hoda jana taksama zajaŭlała, što aficyjnyja asoby ZŠA nie prasili adnavić tranzit biełaruskich uhnajeńniaŭ praź Litvu. Paśla taho jak naprykancy minułaha hoda ZŠA źniali sankcyi ź biełaruskich kalijnych uhnajeńniaŭ u abmien na vyzvaleńnie źniavolenych, jakija ŭtrymlivalisia ŭ krainie, palityčnyja ahladalniki pačali abmiarkoŭvać vierahodnaść taho, što Vašynhton moža pačać akazvać cisk na Litvu, kab znoŭ dazvolić tranzit uhnajeńniaŭ praz Kłajpiedski port.
-
U mieduniviersitety sioleta budzie niedabor? Minzdaroŭja prakamientavała
-
Pradstaŭnik Uzbrojenych sił: Na vajskovuju adukacyju pastupajuć i chłopcy, jakija nabirajuć 400 bałaŭ z 400 mahčymych
-
Siarhiej byŭ u Połacku bieź miesca žycharstva. Majomaści nie mieŭ nijakaj, to syn praz sud vybivaŭ chacia b baćkaŭ vajskovy zarobak
Kamientary