Прэм'ер Літвы: Тэма аднаўлення транзіту беларускіх угнаенняў штучна нагнятаецца
Аднаўленне транзіту беларускіх калійных угнаенняў і магчымы ціск з боку адміністрацыі ЗША з мэтай зноў дазволіць іх правоз праз Літву — гэта тэма, якая штучна нагнятаецца, заяўляе прэм’ер-міністр Інга Ругінене, піша LRT.
«Мы нагнятаем мноства пытанняў, якія, магчыма, увогуле не варта было б нагнятаць. Адно з такіх — транзіт угнаенняў з Беларусі», — сказала Ругінене ў чацвер.
«Ніколі ні ў кулуарах, ні ў міжнароднай прасторы гэтая тэма не ўздымалася і не абмяркоўвалася. Падчас майго супрацоўніцтва і працы з амерыканцамі мы абмяркоўвалі шмат пытанняў, але ніколі, ніколі не гаварылі (пра транзіт угнаенняў), ніякага запыту з іх боку не было», — растлумачыла прэм’ер.
У снежні мінулага года яна таксама заяўляла, што афіцыйныя асобы ЗША не прасілі аднавіць транзіт беларускіх угнаенняў праз Літву. Пасля таго як напрыканцы мінулага года ЗША знялі санкцыі з беларускіх калійных угнаенняў у абмен на вызваленне зняволеных, якія ўтрымліваліся ў краіне, палітычныя аглядальнікі пачалі абмяркоўваць верагоднасць таго, што Вашынгтон можа пачаць аказваць ціск на Літву, каб зноў дазволіць транзіт угнаенняў праз Клайпедскі порт.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары