Palicyja municypaliteta Nojmarkt-an-der-Ibs, što ŭ ziamli Nižniaja Aŭstryja, paviedamiła pra zatrymańnie 39‑hadovaha biełarusa za kradziež śpirtnych napojaŭ, piša vydańnie «Biełaruś i mir».
Fota: facebook.com/lpdnoe
Incydent adbyŭsia 21 studzienia kala 15:45. Supracoŭnik supiermarkieta zaŭvažyŭ mužčynu, jaki vyjšaŭ z kramy ź niekalkimi butelkami ałkaholu, nie zapłaciŭšy za ich. Śviedki vyklikali palicyju i prasačyli za padazravanym, jaki pakinuŭ skradzieny tavar na parkoŭcy kramy.
Pravaachoŭniki spynili mužčynu niepadalok, uziaŭšy jaho pad vartu. Pry ahladzie arandavanaha aŭtamabila, jakim kiravaŭ mužčyna, było znojdziena bolš za 140 butelek ałkaholu ahulnym koštam kala 3 500 jeŭra. Biełarus pryznaŭ svaju vinavataść u ździajśnieńni pravaparušeńnia.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary